კაკაბაძე სიმბოლურ ნაკრებში - Sofascore-მა ქართველი ფეხბურთელი გამოარჩია
ცნობილმა სტატისტიკურმა პორტალმა, Sofascore-მა პოლონეთის ექსტრაკლასას მე-14 ტურის სიმბოლური ნაკრები გამოაქვეყნა და რჩეულთა შორის ოთარ კაკაბაძესაც ვხედავთ. ქართველი ფეხბურთელი „ლეხის“ წინააღმდეგ გამართულ მატჩში გამოირჩა, რომელიც გატანილი გოლის გარეშე დასრულდა.
Sofascore-მა კაკაბაძის თამაში 8.1 ქულით შეაფასა და სიმბოლურ ნაკრებში, მასზე უკეთესი შეფასება მხოლოდ სამმა ფეხბურთელმა მიიღო. „ლეხთან“ დაპირისპირებაში ოთარი ერთ-ერთი საუკეთესო იყო, თანაგუნდელებს რამდენიმე მომენტი შეუქმნა და დაცვაში კარგად გამოიყურებოდა.
შეგახსენებთ, რომ კაკაბაძის „კრაკოვიას“ 14 ტურის შემდეგ, 19 ქულა აქვს და სატურნირო ცხრილის მე-9 პოზიციას იკავებს. ქართველი ფეხბურთელის გუნდის მომდევნო გაჩერება „ზაგლებიეა“, რომელსაც „კრაკოვია“ სტუმრად, 30 ოქტომბერს დაუპირისპირდება.
