ბაქოს გრანდ სლემი - საქართველოს შემადგენლობა ცნობილია
ესპანეთის ქალაქ პონტევედრაში 23-წლამდე მსოფლიო ჩემპიონატი დასრულდა. საქართველოს დელეგაციამ 2 ოქროს მედალი მოიპოვა. ახლა კი ძიუდოს ჯერი დადგა. აზერბაიჯანში, კონკრეტულად კი ბაქოში გრანდ-სლემი ჩატარდება.
რა თქმა უნდა, მონაწილეობას საქართველოც მიიღებს და ერთ-ერთი ფავორიტი ქვეყანაც იქნება. ფედერაციის გადაწყვეტილებით, ბაქოში მანდილოსანი ძიუდოისტები მონაწილეობას არ მიიღებენ.
დღეს ცნობილი გახდა, თუ რომელი ძიუდოისტები წარადგენენ საქართველოს ბაქოში:
ვაჟა მარგველაშვილი, თუთაშვილი გიორგი(-66კგ)
ლაშა შავდათუაშვილი(-73კგ)
ვლადიმერ ახალკაცი, გიორგი შერაზადაშვილი(-81კგ)
ლუკა მაისურაძე(-90კგ)
ილია სულამანიძე(-100კგ)
გურამ თუშიშვილი, საბა ინანეიშვილი(+100კგ)
ცნობისთვის, ბაქოს გრანდ სლემი 2021 წელსაც გაიმართა. საქართველომ 1 ოქრო და 3 ბრინჯაო მოიპოვა. ბრინჯაოს მედლებს ლუკა მაისურაძე, ბექა ღვინიაშვილი და ონისე სანებლიძე დაეუფლნენ. ჩემპიონი კი 60 კგ კატეგორიაში ჯაბა პაპინაშვილი გახდა.