დარცმელიას ულამაზესი გოლი - ჯეტსმა მეორე მატჩიც მოიგო
ავსტრალიის A ლიგაში ქართველი ლეგიონერების „ნიუქასლ ჯეტსმა“ მეორე შეხვედრა გამართა და „ვილინგტონს“ 3:1 მოუგო.
ბექა მიქელთაძეს შეხვედრაში მონაწილეობა არ მიუღია. რაც შეეხება ბექა დარცმელიას, ის სასტარტოში იყო და ულამაზესი გოლის გატანაც შეძლო. იქამდე კი მე-4 წუთზე ანგარიში მისი საგოლე პასით გაიხსნა.
მე-16 წუთზე თანაგუნდელთან კედელი გაითამაშა და მოხდენილი დარტყმით ბურთი პირდაპირ ცხრიანში გაახვია.
Pick that one out! Beka Dartsmelia (B2) has arrived ????#BondedByGold pic.twitter.com/XWSUJAalBm
— NEWCASTLE JETS FC ✈️ (@NewcastleJetsFC) October 22, 2022
დარცმელია მეორე ტაიმში 64-ე წუთზე შეცვალეს. იმ მომენტისთვის ანგარიში უკვე 3:1 იყო.
შეგახსენებთ, რომ პირველ ტურში „ჯეტსმა“ მიქელთაძის გოლით მოიგო, რომელმაც თავის გუნდს 94-ე წუთზე გატანილი გოლით მოაგებინა.
