“რონალდუ განებივრებული ბავშვია, რაც გააკეთა სამარცხვინოა...“
„ასტონ ვილასა“ და ინგლისის ნაკრების ყოფილმა ნახევარმცველმა გაბრიელ აგბონლაჰორმა კრიშტიანუ რონალდუს ქმედების შესახებ ისაუბრა და პორტუგალიელს სამარცხვინო უწოდა.
კრიშტიანუმ „ტოტენჰემთან“ შეხვედრაში თადარიგში დარჩენის გამო მოედანი ნაადრევად დატოვა და გასახდელში ჩავიდა, რის შემდეგაც მის მიმართ კრიტიკა არ წყდება.
Cristiano Ronaldo went to the tunnel before the game ended against Tottenham ????
— B/R Football (@brfootball) October 19, 2022
(via @TelemundoSports)pic.twitter.com/nYwKlpKiSd
„მოდით, გულწრფელები ვიყოთ, რონალდუ განებივრებული ბავშვია. ის 37 წლისაა, საუკეთესო კარიერა ჰქონდა, ალბათ ერთ-ერთი საუკეთესო ფეხბურთელია ისტორიაში. მისი გუნდი, რომელიც მას უნდა უყვარდეს, თამაშობს ბოლო რამდენიმე წლის განმავლობაში საუკეთესო ფეხბურთს და უგებს ტოტენჰემს. გუნდმა მის გარეშე კარგად ითამაშა.
ერთ-ერთ წინა შეხვედრაში ევერტონთან, ის ცვლილებაზე შევიდა და კარგად ითამაშა, შემდეგ გამოჩნდა ნიუკასლთანაც, მაგრამ ცუდად გამოიყურებოდა და შეცვალეს, რასაც მან კინაღამ სკანდალი მოაყოლა.
მივესალმები ტენ ჰაგის მიდგომას, რომელიც რონალდუს შესახებ ზეწოლას უმკლავდება. კრიშტიანუს მხრიდან მსგავსი ქმედებით გვირბაში გასვლა სირცხვილია. შენ არ შეგიძლია ასე მოიქცე, რადგან ეს გუნდელების მიმართ უპატივცემულობაა. მწვრთნელის ადგილას რომ ვიყო, ამის შემდეგ, რონალდუს ჩელსის წინააღმდეგ შეხვედრაში მონაწილეობის მიღების შანსს არ მივცემდი.
ეს არის უპატივცემულობა. დიახ, რონალდუ ერთ-ერთი საუკეთესოა, მან 700 გოლი გაიტანა. მაგრამ შენ არ შეგიძლია გუნდელებს უპატივცემულოდ მოექცე. და მან ეს თავისთვის გააკეთა“,
- თქვა აგბონლაჰორმა talksport-თან საუბრისას.
კრიშტიანუს ქმედებას აკრიტიკებს „იუნაიტედის“ ლეგენდა პიტერ შმეიხელი.
„პირველად შემიძლია ვთქვა, რომ რონალდუს ქმედებით იმედგაცრუებული ვარ. როგორც წესი, მე მას მხარს ვუჭერ, მესმის მისი მდგომარეობა.
გარდამავალ პერიოდში ვართ. მანჩესტერ იუნაიტედმა ალექს ფერგიუსონის შემდეგ ხუთი მწვრთნელი გამოიცვალა. ახლა ჩვენ გვყავს ერიკ ტენ ჰაგი, რომელსაც აქვს ძალიან მკაფიო წარმოდგენა იმის შესახებ, თუ როგორი ფეხბურთის თამაში სურს.
ჩვენ არ გვჭირდება ასეთი ყურადღების გაფანტვა”.
- ამბობს შმეიხელი BBC Sport-თან საუბრისას.
