მსოფლიო ჩემპიონატი: ჩხიკვაძის და გურულის ბრინჯაოს მედლები
ბერძნულ-რომაულ სტილში 23-წლამდელთა მსოფლიო ჩემპიონატზე, ქართულმა დელეგაციამ დღეს მორიგი მედლები მოიპოვა.
67 კგ კატეგორიაში დიეგო ჩხიკვაძემ და 82 კგ-ში ბექა გურულმა ბრინჯაოს მედლები მოიპოვეს.
ჩხიკვაძის მეტოქე კოლუმბიელი ხულიან ასევედო იყო, რომელიც ქართველმა 3:1 დაამარცხა და მედალს დაეუფლა.
რაც შეეხება გურულს, მან თურქი ალი ჰანჩი დამაჯერებლად 9:0 დაამარცხა და საკმაოდ ეფექტური ჭიდაობა შემოგვთავაზა.
შეგახსენებთ, რომ გუშინ მსოფლიო ჩემპიონატზე 63 კგ-ში გიორგი შოთაძემ ფინალი დათმო და ვერცხლის მედალს დასჯერდა., ხოლო 55 კგ-ში გიორგი თოხაძემ ბრინჯაოს მედალი მოიპოვა.
