“არავინ იცის რა მოდება“ - აგენტი დონარუმას მომავალზე
ჯანლუიჯი დონარუმა მეორე სეზონს ატარებს „პარი სენ ჟერმენში“. მისი სიტუაცია შედარებით დასტაბილურდა და უკმაყოფილებას აღარ გამოხატავს.
თავდაპირველად, იტალიელი კარის დარაჯი სათამაშო წუთებს საკმაოდ ხშირად კეილორ ნავასთან იყოფდა და ეს მისთვის მიუღებელი იყო. ამ საკითხზე კი „ჯიჯო“ ღიად საუბრობდა და უკმაყოფილებას არ მალავდა. დონარუმა თვლიდა, რომ მას გაცილებით მეტი წუთები უნდა მიეღო. საბოლოოდ ასეც მოხდა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარ გვერდზე ჯანლუჯის აგენტის რაფაელა პრიმენტას სიტყვებს აჟღერებს.
პრიმენტა:
„პარიზში ახლა ყველაფერი კარგად მიმდინარეობს და დონარუმა ბედნიერია. ჩვენ არასდროს ვიცით რა მოხდება მომავალში“.
Gigio Donnarumma’s agent Rafaela Pimenta on his possible, future return to Italy: “Things are going very well in Paris and he’s absolutely happy with PSG”, tells Tuttosport. ???????? #PSG
— Fabrizio Romano (@FabrizioRomano) October 17, 2022
“We never know what happens in the future”, she added. pic.twitter.com/K3vtE1I9SC
პრიმენტას ამ განცხადებამ სპორტული სააგენტოები ააფორიაქა. მაგალითად, Calciomercato წერს, რომ დონარუმას „მილანისკენ“ მიუწევს გული და შესაძლოა ეს განცხადება სწორედ ამ ფაქტს ემსახურება. მიუხედავად ამისა, ერთი რამ ნათელია. „ჯიჯო“ ამ მომენტისთვის პსჟ-ში თავს მართლაც კომფორტულად გრძნობს.
