„დაიმახსოვრეთ მისი გვარი თუ შეძლებთ“ - Daily Record-მა საქართველოს ნაკრებზე დაწერა

ევროპის 2024 წლის ჩემპიონატის საკვალიფიკაციო ეტაპის წილისყრის შემდეგ, შოტლანდიურმა Daily Record-მა შოტლანდიის ნაკრების მეტოქეებზე მოკლედ დაწერა. ბუნებრივია, შოტლანდიური გამოცემა ვილი სანიოლის გუნდსაც შეეხო და ჩვენი ნაკრების მთავარ ვარსკვლავად ხვიჩა კვარაცხელია დაასახელა.

„საქართველოს ნაკრების მთავარი მწვრთნელი ბაიერნის ექს-ფეხბურთელი, ვილი სანიოლია, რომელიც საბჭოთა კავშირის ყოფილ წევრ ქვეყანაში შარშან გადავიდა და ბოლო 11 მატჩია დაუმარცხებელია. მისი ნაკრების ანგარიშზე 9 მოგება და 2 ფრეა. საქართველოსთვის ეს ჯგუფი მნიშვნელოვანი წინგადადგმული ნაბიჯია იმ მეტოქეებთან შედარებით, რომლებთანაც აქამდე თამაშობდა, თუმცა ნოემბერში შვედეთის დამარცხება მოახერხა - 2:0.

ხვიჩა კვარაცხელია, დაიმახსოვრეთ ეს სახელი და გვარი თუ შეძლებთ. ნაპოლის ახალგაზრდას დიდ მომავალს უწინასწარმეტყველებენ და 21 წლის ასაკში, საკუთარი ნაკრების მაისურით 10 გოლი უკვე გაიტანა. შოტლანდიას თბილისში ორი კატასტროფული მარცხი აქვს განცდილი, რომლებიც საკვალიფიკაციო ეტაპზე ჩარჩენად დაუჯდა“.

შეგახსენებთ, რომ შოტლანდიის გარდა, საქართველოს ნაკრების მეტოქეები ესპანეთი, ნორვეგია და კვიპროსი არიან, რომლის თავკაციც თემურ ქეცბაია გახლავთ.