რიბერი 2013 წლის ოქროს ბურთზე: ეს დიდი ნაიარევია, უსამართლობა იყო
ფრანკ რიბერიმ 2013 წლის ოქროს ბურთი გაიხსენა.
თავდაპირველად ხმის მიცემის ბოლო ვადა 15 ნოემბერი იყო, მაგრამ შემდეგ ფიფამ კენჭისყრა 29-მდე გაახანგრძლივა.
„დიდი ნაიარევია... მაგრამ დროთა განმავლობაში ჩვენ დაგვავიწყდა...
ეს იყო უსამართლობა. ის სეზონი ჩემთვის წარმოუდგენელი იყო და ჯილდო მე უნდა მომეგო. მათ გაახანგრძლივეს ხმის მიცემის ვადა და რაღაც უცნაური მოხდა. ვგრძნობდი, რომ ეს პოლიტიკური გადაწყვეტილება იყო“.
???? “Une grande cicatrice… Mais avec le temps, on a oublié”
— Téléfoot (@telefoot_TF1) October 9, 2022
Franck Ribéry sur le Ballon d’or qu’il n’a pas eu en 2013, finissant 3e derrière Cristiano Ronaldo et Lionel Messi@YassinNfaoui @BarniaudSeb pic.twitter.com/cIHKJ57zyt
შეგახსენებთ, რომ 2013 წელს ოქროს ბურთი კრიშტიანუ რონალდუმ მოიგო, რომელიც მაშინ მადრიდის „რეალში“ თამაშობდა და ხმების 27,99% მოიპოვა. პორტუგალიელმა ლიონელ მესის (24,72%, მე-2 ადგილი) და რიბერის (23,36%, მე-3 ადგილი) გაუსწრო.
შეგახსენებთ, რომ რიბერიმ 2012/13 სეზონში „ბაიერნთან“ ერთად ტრიპლეტი მოიგო - ჩემპიონატი, გერმანიის თასი და ჩემპიონთა ლიგა.
