ჩავი: “დემბელე პროფესიონალია“

„ინტერთან“ წაგებული მატჩის წინ, გულშემატკივრებმა უსმან დემბელე გააკრიტიკეს. ფრანგ შემტევს ფანტაზიის ნაკლებობა დაუწუნეს და მისი გუნდიდან წასვლა კიდევ ერთხელ მოითხოვეს.

სულ სხვა აზრზეა ჩავი ერნანდესი, რომელმაც „სელტასთან“ გასამართი მატჩისწინა პრესკონფერენციის დროს დემბელე დაიცვა.

ჩავი:

„უსმანს დიდი პოტენციალი აქვს და ჩემი აქ ჩამოსვლის დღიდან ის კოლოსალურად პროფესიონალი გახდა. ამით კი ძალიან ბედნიერი ვარ. დემბელე ბევრ თამაშში ქმნის განსხვავებას და ეს ყველას არ შეუძლია. მიუხედავად ამისა, მან საკუთარი თავის კიდევ უფრო მეტად უნდა ირწმუნოს და გაცილებით მეტი გააკეთოს გუნდისთვის.

ამ ყველაფერს იმიტომ ვამბობ, რომ მას ამის გაკეთება შეუძლია! ეს ყოველ თამაშში უნდა გააკეთოს და ასე ბარსა გაცილებით წარმატებული იქნება. უსმანი ფიზიკურად თავს შესანიშნავად გრძნობს და აუცილებლად ახალი რაღაცები უნდა სცადოს.“

შეგახსენებთ, რომ ახლა „ბარსელონას“ რთული პერიოდი უდგას. როგორც უკვე მოგახსენეთ, „ბლაუგრანა“ ლა ლიგის მომავალ ტურში „სელტას“ უპირისპირდება. ამის შემდეგ, ჩემპიონთა ლიგის ეგიდით „ინტერს“ უმასპინძლებს. ჩავის გუნდს ჯგუფიდან გასასვლელად ჰაერივით ესაჭიროება 3 ქულა. „ნერაძურისთან“ პაექრობის შემდეგ, ბარსა მადრიდის „რეალს“ ესტუმრება.