„ფენომენალური ფეხბურთელია“ - კასანო ხვიჩათი აღფრთოვანებულია

„რეალისა“ და „მილანის“ ყოფილმა ფეხბურთელმა, ანტონიო კასანომ ხვიჩა კვარაცხელიაზე ისაუბრა. იტალიელმა შემტევმა „ნაპოლის“ ქართველი მოთამაშე კიდევ ერთხელ შეაქო და მისი მისამართით დადებითი სიტყვები არც ამჯერად დაიშურა.

„კვარაცხელია ყოველდღე მაგიჟებს. მას მარჯვნივ და მარცხნივ შეჭრა და საგოლე გადაცემების გაკეთება შეუძლია, რასაც ბურთის სწრაფად ტარების უნარი ემატება. ხვიჩა ფენომენალური ფეხბურთელია, რომელიც მსოფლიოს ტოპ გუნდში თამაშობს“.

შეგახსენებთ, რომ ხვიჩამ „ნაპოლის“ მაისურით მიმდინარე სეზონში ყველა ტურნირის ეგიდით, 10 მატჩი ჩაატარა, 5 გოლი გაიტანა და 3 საგოლე გადაცემა შეასრულა. სპალეტის გუნდი სერია A-ს სატურნირო ცხრილს „ატალანტასთან“ ერთად 20 ქულით ლიდერობს.

დღეს, ქართველი ფეხბურთელის გუნდს ჩემპიონთა ლიგაზე მნიშვნელოვანი შეხვედრა ელის და თბილისის დროით, 23:00-ზე „აიაქსს“ დაუპირისპირდება. 2 ტურის შემდეგ, „პარტენოპეის“ 6 ქულა აქვს და ჯგუფის ლიდერია, ამსტერდამელები კი 3 ქულით მე-3 ადგილს იკავებენ.