კლოპი: “ჩავარდნა ყველას აქვს, შეხედეთ რონალდუს“

მიმდინარე სეზონში „ლივერპული“ საკუთარ თავს არ ჰგავს. მერსისაიდული გრანდი ვერც პრემიერ ლიგაში ბრწყინავს და ჯერჯერობით ვერც ჩემპიონთა ლიგაზე. არსებულ ვითარებაზე იურგენ კლოპმა ისაუბრა.

კლოპი:

„ადამიანებს თავისუფლად შეუძლიათ იკითხონ, თუ როგორ არ არიან ასეთი დონის ფეხბურთელები თავდაჯერებულები. როგორ ფიქრობთ, ახლა კრიშტიანუ რონალდუ თავდაჯერების ყველაზე მაღალ ეტაპზეა? ის წლების განმავლობაში მსოფლიოს საუკეთესო ფეხბურთელი იყო.

ახლა კი ყველაფერი შეიცვალა და გზიდან გადაუხვია. ასე ხდება „ლივერპულშიც“. ეს ყველას შეიძლება დაემართოს. გასულ სეზონში, მესიმ ისე ითამაშა, როგორც ამას მიჩვეულები ვართ? არა. სიტუაციის გასაუმჯობესებლად წვრილმანების მოგვარება უნდა დავიწყოთ და შემდეგ გადავდგათ დიდი ნაბიჯები.

ინდივიდუალურ სპორტში შესაძლოა საკუთარ თავს ებრძოლო, მაგრამ, როცა საქმე გუნდურობასთან გვაქვს ცდა არავინ უნდა დააკლოს. როდესაც ჩვენი აღზევების მომენტი დადგება ყველა მზად უნდა იყოს. სიმართლე გითხრათ, საქმეს ისიც ართულებს, რომ ეს ყველაფერი ერთად უნდა გავაკეთოთ.“

შეგახსენებთ, რომ ინგლისის პრემიერ ლიგაში მერსისაიდელებს 7 მატჩის შემდეგ 10 ქულა აქვთ და მე-9 პოზიციას იკავებენ. ჩემპიონთა ლიგაზე კი კლოპის გუნდმა 2 მატჩიდან 1 მოიგო 1 კი წააგო. ამ შედეგით „ლივერპული“ მეორე ადგილზე მოგვევლინა.