„გუნდურად უნდა შევაჩეროთ“ - აიაქსის მწვრთნელმა ხვიჩაზე ისაუბრა
ჩემპიონთა ლიგის ჯგუფური ეტაპის მორიგ შეხვედრაში „ნაპოლი“ სტუმრად „აიაქსს“ შეხვდება. მოახლოებულ შეხვედრასთან დაკავშირებით „აიაქსის“ მთავარმა მწვრთნელმა ალფრედ შრიოდერმა პრესკონფერენცია გამართა. ერთ-ერთი კითხვა ხვიჩა კვარაცხელიას ეხებოდა.
კითხვა: „ნაპოლის“ ყველაზე სახიფათო მოთამაშე კვარაცხელიაა?
შრიოდერი: „ის ძალიან კარგი ფეხბურთელია, მარცხენა ფლანგზე კარგად მოქმედებს. ინდივიდუალურად ძალიან კარგია, როცა ბურთი აქვს. გუნდურად უნდა შევაჩეროთ. ხშირად ცდილობს ერთ-ერთზე თამაშს, კომბინაციებს ზელინსკისთან ერთად კარგად ათამაშებს. ასე რომ, ჩვენ ყურადღებით უნდა ვიყოთ, თავი გუნდისგან უნდა დავიცვათ და არა ერთი ფეხბურთელისგან“.
Schreuder about Kvaratskhelia ????#UCL #ajanap pic.twitter.com/ekXLWMXr16
— AFC Ajax (@AFCAjax) October 3, 2022
შეგახსენებთ, ლუჩანო სპალეტის გუნდი შემდეგ მატჩს ჩემპიონთა ლიგის ჯგუფურ ეტაპზე „აიაქსთან“ სტუმრად გამართავს. შეხვედრა 4 ოქტომბერს, თბილისის დროით 23:00 საათზე დაიწყება.
სერია ა-ს ბომბარდირთა დავაში პირველ ადგილზე მარკო არნაუტოვიჩია, მის ანგარიშზე 6 გოლია. ჩირო იმობილე, დუშან ვლაჰოვიჩი და ხვიჩა კვარაცხელია 5 გოლით მეორე პოზიციას იკავებენ.
სერია ა-ს საწყისი 8 ტურის შემდეგ სატურნირო ცხრილს „ნაპოლი“ და „ატალანტა“ 20-20 ქულით ლიდერობენ.
