ახალი კონტრაქტის გასაფორმებლად მზადაა - მესიმ პოზიცია შეიცვალა
ლიონელ მესის სამომავლო გეგმებთან დაკავშირებით განსხვავებული ინფორმაცია ვრცელდება. რამდენიმე დღის წინ, დაიწერა, რომ „ლა პულგა“ „პარი სენ-ჟერმენთან“ კონტრაქტის გახანგრძლივებას არ აპირებს და კლუბს უსასყიდლოდ დატოვებს.
Le Parisien-ის ცნობით, ვითარება შეიცვალა და არგენტინელი ფრანგულ გრანდთან ახალი ხელშეკრულების დადების წინააღმდეგი არაა. საქმე ისაა, რომ „პარკ დე პრენსზე“ გადასვლის პირველ დღეებთან შედარებით, იგი პარიზში ბევრად უკეთ გრძნობს თავს და მზადაა, კლუბს მოუსმინოს.
საინტერესოა, რომ „ლა პულგას“ წარმომადგენლებსა და „პარი სენ-ჟერმენის“ ხელმძღვანელებს შორის მოლაპარაკებები ჯერ არ დაწყებულა. არგენტინელის აგენტებს არც სხვა კლუბთან გაუმართავთ დიალოგი და მოვლენების განვითარებას ელოდებიან.
შეგახსენებთ, რომ ცოტა ხნის წინ, მესის „ბარსელონაში“ დაბრუნებაზე დაიწერა. კლუბის ვიცე-პრეზიდენტმა ედუარდ რომეუმ განაცხადა, რომ ლეო მესის მომავალ სეზონში დაბრუნება სავსებით შესაძლებელია, თუმცა Le Parisien-ი სხვა აზრზეა. ცნობისთვის, ლეოს კლუბთან კონტრაქტი 2023 წლის ზაფხულამდე აკავშირებს.
