კარლო ანჩელოტიმ მსოფლიო ჩემპიონატის ფავორიტები დაასახელა
მადრიდის „რეალის“ მთავარმა მწვრთნელმა, კარლო ანჩელოტიმ მსოფლიო ჩემპიონატის ფავორიტები დაასახელა.
63 წლის სპეციალისტის ხედვით, ტურნირის მოგების ყველაზე დიდი შანსი ბრაზილიის ეროვნულ ნაკრებს ექნება.
რა თქვა ანჩელოტიმ:
ვფიქრობ, ბრაზილიისა და საფრანგეთის ნაკრებებს ყველაზე ძლიერი შემადგენლობა ჰყავთ, შემდეგ კი მგონია, რომ ფავორიტი არგენტინის ნაკრები იქნება.
ლიონელ სკალონის გუნდი უმაღლეს დონეს დაუბრუნდა და ამასთან, მათ მესი ჰყავთ.
არ უნდა დაგვავიწყდეს ესპანეთი, რომელსაც ახალგაზრდა, ძლიერი გუნდი ჰყავს.
ასევე, ინგლისი და გერმანია. ამ გუნდებში განახლების პროცესი მიმდინარეობს და ახალგაზრდა ფეხბურთელები დიდი ენთუზიაზმით თამაშობენ.
შეგახსენებთ, რომ 2022 წლის მსოფლიო ჩემპიონატი ყატარში 2022 წლის 20 ნოემბერს დაიწყება, ფინალური მატჩი კი 18 დეკემბერს გაიმართება.
