კაკა: “ჩემთვის თანამედროვე ფეხბურთში ნეიმარი საუკეთესოა“
რიკარდო კაკამ თავისი თანამემამულე ნეიმარი თანამედროვე ფეხბურთის საუკეთესო მოთამაშედ დაასახელა და განაცხადა, რომ მსოფლიო ჩემპიონატზე ნეიმარის მიმართ ზეწოლა მოიხსნება.
2018 წელს, „პარი სენ ჟერმენის“ ვარსკვლავმა ბრაზილიელი ქომაგების იმედები ვერ გაამართლა, მაგრამ კაკა თვლის, რომ ყველაფერი შეიცვლება, რადგან ნაკრებში ახალი სახეები გამოჩნდნენ და ნეიმარის მიმართ ასეთი ზეწოლა მოიხსნება.
რა თქვა კაკამ?
„არ აქვს მნიშვნელობა როგორი ურთიერთობა გვაქვს მე და ნეიმარს. ნებისმიერ შემთხვევაში, მე მისი თამაშის ყურება ძალიან მიყვარს. რა თქმა უნდა მომწონს ვინისიუსის, მესის, რონალდუს და სხვების თამაშიც, მაგრამ ჩემთვის საუკეთესო დღეს ნეიმარია.
რა თქმა უნდა ის მსოფლიო ჩემპიონატზე ბრაზილიას ულიდერებს, მაგრამ უნდა გავითვალისწინოთ, რომ „სელესაოს“ ახლა ისეთი ფეხბურთელიც ჰყავს, როგორიც ვინისიუსია. ის ნეიმარს მნიშვნელოვან დახმარებას გაუწევს.
2018 წლის მუნდიალზე ნეიმარი აბსოლუტური პროტაგონისტი იყო, მაგრამ ახლა ჩვენ ვინისიუსი, რაფინია, რიჩარლისონი და ენტონი გვყავს, რომლებიც უკვე დამწყები ფეხბურთელები კი არა ჩამოყალიბებული ვარსკვლავები არიან. ეს ყველაფერი კი ნეიმარზე ზეწოლას ხსნის, რაც ბრაზილიის ნაკრებისთვის ძალზედ ხელსაყრელია.“
