მსოფლიოს ჩემპიონატი: მირიან მაისურაძე ნახევარფინალშია
სერბეთის დედაქალაქ ბელგრადში, თავისუფალი სტილით მოჭიდავეთა შორის მსოფლიოს ჩემპიონატი დაიწყო.
92 კგ. წონითი კატეგორიის 1/4-ფინალში მირიან მაისურაძემ ყაზახი ადილეტ დავლუმბაიევი დაამარცხა და ნახევარფინალში გავიდა. 1/8-ფინალში ქართველმა მოჭიდავემ იაპონელი სოშუკე ტაკატანის ბარიერი დაძლია.
57 კგ. წონით კატეგორიაში ბექა ბუჯიაშვილმა ესპანეთის სახელით მოასპარეზე ლევან მეტრეველი დაამარცხა და მსოფლიოს ჩემპიონატის 1/8 ფინალში გავიდა.
16 სექტემბერს, თავისუფალი სტილით მოჭიდავეთა შორის კიდევ ერთი ქართველი, გიორგი სულავა (74 კგ.) იასპარეზებს.
