FIFA-ს არბიტრები: დემბელეს მომენტში აშკარა პენალტი იყო
FIFA-ს ყოფილი არბიტრი სეზარ ლუის ბარენეჩეა თვლის, რომ „ბარსელონას“ „ბაიერნთან“ მატჩში აშკარა პენალტი არ დაუნიშნეს.
საუბარია პირველ ტაიმში მომხდარ ინციდენტზე, როცა ალფონსო დევისმა უსმან დემბელე წააქცია და გამეორებაზე გამოჩნდა, რომ კანადელს ბურთზე არ უთამაშია.
„მოძრაობა ძალიან მკაფიო იყო. დემბელემ პოზიცია მოიპოვა. დევისმა ფეხი წინ გამოიწია და ჩაუდგა, რის გამოც ბარსელონას გარემარბი დაეცა. ეს არის აშკარა პენალტი, დევისის მხრიდან უხეშობა იყო.
აქ კამათი შეუძლებელია - ეს აშკარა პენალტია. არ მესმის, რატომ არ ნახეს ეს მომენტი გამეორებით არბიტრებმა, არც მთავარმა და არც ვარის ოთახში, რომლებსაც კადრები ჰქონდათ. არ მესმის ამ მომენტის განხილვა რატომ არ მოხდა“.
- ამბობს ბარენეჩეა.
MUITA reclamação dos jogadores do Barcelona de pênalti do Davies no Dembélé. O árbitro mandou seguir! #UCL pic.twitter.com/o2E5eqrtbc
— Papo de Boleiros ???????? (@_papoboleiros) September 13, 2022
ასევე, წარსულში FIFA-ს ცნობილი არბიტრი, გერმანელი ვოლფგანგ შტარკი ამბობს, რომ ამ ეპიზოდში პენალტი დასანიშნი იყო.
„დემბელესა და დევისის მომენტში წესების დარღვევა იყო, მსაჯს პენალტი უნდა დაენიშნა. ამ მომენტში ბაიერნს გაუმართლა".
ჩავიმ ხსენებულ ეპიზოდზე განაცხადა, რომ შესვენებაზე მთავარმა არბიტრმა მაკელიემ მას უთხრა, რომ ამ ეპიზოდში წესების დარღვევას ადგილი არ ჰქონია.
