დიასმა ფერგიუსონი დაამარცხა და UFC-იდან მიდის

ლას ვეგასში UFC 279-ზე რამდენიმე საინტერესო ბრძოლა შედგა. მათ შორის ერთ-ერთი გამორჩეული ნეიტ დიასისა და ტონი ფერგიუსონის დაიპირისპირება იყო.

ამ ბრძოლამდე დიასს მოგება-წაგებათა ბალანსი 24:13-ზე ჰქონდა, ფერგიუსონს კი 25:8-ზე.

საშუალო წონით კატეგორიაში გამართული ბრძოლა მე-4 რაუნდში დიასის ეგრეთწოდებული The Guillotine-ის ილეთით დასრულდა, რის შემდეგაც ფერგიუსონი მას წამებში დანებდა.

შეგახსენებთ, რომ თავდაპირველად დიასს მთავარ ღონისძიებაზე ხამზატ ჩიმაევთან ერთად უნდა ებრძოლა, ხოლო ფერგიუსონი ლი ჯინლიანგთან უნდა დაპირისპირებოდა. მაგრამ ჩიმაევის წარუმატებელი აწონის გამო ამერიკელმა მასთან ბრძოლაზე უარი თქვა.

დიასმა გამარჯვების შემდეგ ვრცელი კომენტარი გააკეთა და UFC-დან წასვლის შესახებ განცხადება გააკეთა:

„მე აქ მხოლოდ ჩემი საქმის შესასრულებლად ვარ. UFC-ში მხოლოდ ერთი ბრძოლა მრჩებოდა. და მე მივიღე ღირსეული მეტოქე.

ყველამ იცის, რომ ჩემსა და UFC-ს შორის იყო სიყვარულ-სიძულვილის ურთიერთობა მთელი ჩემი აქ ყოფნის დროს. მივესალმები დანა უაითს, ლორენცო ფერტიტას და ჰანტერ კემპბელს. მადლობა მათ, რომ უზრუნველყვეს პლატფორმა ყველასთვის, მათ შორის ჩემთვისაც.

ვგრძნობ, რომ UFC-ში ყველაზე გრძელი და წარმატებული კარიერა მქონდა. ყველას ვაჯობე ანაზღაურების მხრივ, ყველას ვაჯობე გადარჩენაში და მინდა ცოტა ხნით დავტოვო UFC. მე უნდა ვაჩვენო ყველა ამ მებრძოლს UFC-ში, თუ როგორ უნდა აიღონ პასუხისმგებლობა სპორტის სხვა სახეობებში.

იმის გამო, რომ კონორ მაკგრეგორმა არ იცოდა ამის გაკეთება და არცერთმა სხვა მებრძოლმა არ იცის ამის გაკეთება. ამიტომ ვაპირებ სხვა პროფესიას დავეუფლო და ამაში საუკეთესო ვიყო. ყველას ვაჩვენებ და შემდეგ აქ დავბრუნდები UFC-ის ქამრის მისაღებად. საუკეთესო ტიტულისთვის მსოფლიოში“,

- განაცხადა დიასმა.