ნიდერლანდები დამარცხებულია - საქართველო მეოთხედფინალში გავიდა

წყალბურთში ევროპის ჩემპიონატი მიმდინარეობს, სადაც საქართველოს ეროვნული ნაკრებიც იღებს მონაწილეობას. „ჩვენებურები“ ჯგუფურის ეტაპის დაძლევის შემდეგ მერვედფინალში გავიდნენ და ნიდერლანდებს დაუპირისპირდნენ.

მატჩი საკმაოდ დაძაბული გამოდგა. პირველ პერიოდში ნიდერლანდელებმა უკეთ იასპარეზეს და მათ სასარგებლოდ 3:2 დასრულდა. ქართველების მხრიდან თავი ვაშიჩმა და ბარალდიმ გამოიჩინეს.

მეორე პერიოდი და როგორც აღმოჩნდა გადამწყვეტი იყო. საქართველომ გაიბრწყინა და 5:1 დააფიქსირა. ტაიმი კი სტანოევიჩის შეგირდების გამარჯვებით 7:3 დასრულდა. მეორე მეოთხედში საქართველოდან გოლები იელაჩამ, ვაპენსკიმ(2), შუშიაშვილმა და ხვიჩა ჯახაიამ გამოიჩინეს.

მესამე მეოთხედში თანაბარი დაპირისპირება ვიხილეთ. გუნდებმა 2-2 გოლი გაიტანეს და გადამწყვეტი პერიოდის წინ საქართველო 9:5-ს იგებდა. უკანასკნელ მეოთხედში კვლავ ქართველებმა იაქტიურეს და 3:2 მოიგეს. საბოლოო ჯამში საქართველომ 12:8 მოიგო და მეოთხედფინალში გავიდა. ამ შედეგის დაფიქსირების გამო კი სტანოევიჩის გაწვრთნილი გუნდი მსოფლიო ჩემპიონატზეც ითამაშებს.

ცნობისთვის, საქართველოს წყალბურთის ნაკრები მეოთხედფინალში ხორვატიის ეროვნულ ნაკრებს დაუპირისპირდება, რომელიც ევროპის ჩემპიონატს მასპინძლობს.

შეგახსენებთ, პირველ ტურში საქართველოს ნაკრები მონტენეგროსთან 11:14 დამარცხდა, მეორე ტურში იტალიელებმა ქართველ წყალბურთელებს 18:8 სძლიეს. 

A ჯგუფში საქართველოს ნაკრები მესამე ადგილზე გავიდა, იტალიამ და ბულგარეთთან საწყის ორ ტურში გაიმარჯვეს და პირველადგილოსანი იტალია-მონტენეგროს შეხვედრაში გამოვლინდება. ბოლო პოზიციაზე სლოვაკეთი გავიდა, რომელმაც სამივე შეხვედრა დათმო და ევროპის ჩემპიონატს დაემშვიდობა.