დესტი მილანში მიდის - ალბა ინტერში

სატრანსფერო ფანჯრის ბოლო 48 საათში „ბარსელონამ“ ორივე განაპირა მცველის სერჟინიო დესტისა და ჟორდი ალბას გაშვება შეძლო.

ესპანელი ჟურნალისტი ჟერარ რომერო, რომელიც „ბარსას“ ტრანსფერებში ყველაზე სანდო წყაროა წერს, რომ დესტი კარიერას „მილანში“ გააგრძელებს, ხოლო ალბა „ინტერში“.

რაც შეეხება დეტალებს, 33 წლის ალბა „ინტერში“ 1-წლიანი იჯარით გადავა. მისი ხელფასის 60%-ს „ბარსა“ გადაიხდის, 40%-ს კი მილანელები.

თავად ფეხბურთელს ჯერ თანხმობა არ განუცხადებია, თუმცა კლუბებმა ყველა დეტალი შეათანხმეს და ისიც ცნობილია, რომ ჩავი ალბას ნდობას აღარ უცხადებს, რაც მსოფლიო ჩემპიონატის წინ ძალიან მცირე სათამაშო პრაქტიკას გულისხმობს.

სეჟინიო დესტი კი „ინტერის“ მოსისხლე მტრის „მილანის“ ბანაკში მიდის. 21 წლის ამერიკელი მარჯვენა მცველი ასევე 1-წლიანი იჯარით „როსონერის“ შეუერთდება, სეზონის ბოლოს კი იტალიელებს 20 მილიონ ევროდ მისი გამოსყიდვა შეეძლებათ.

თუ „როსონერი“ ამ ვარიანტს გაააქტიურებს, ფეხბურთელი უკვე შეთანხმებული კონტრაქტის შესაბამისად გუნდში 2027 წლამდე დარჩენას შეძლებს.

21 წლის მცველი დილით მილანში გაფრინდება, რათა საჭირო დოკუმენტებს ხელი მოაწეროს. ტრანსფერი მალე დადასტურდება.

როგორც ცნობილია, „ბარსელონა“ მათ ნაცვლად მარკოს ალონსოსა და ჰექტორ ბელერინის დამატებას გეგმავს.