,,ინსინიე ორ თამაშში დაგვავიწყა“ - ნაპოლის ექს-მწვრთნელი ხვიჩაზე
,,ნაპოლის'' ყოფილმა მთავარმა მწვრთნელმა ფრანკო კოლომბამ, რომელსაც არაერთ იტალიურ კლუბში უმუშავია, რადიო Kiss Kiss Napoli-სთან ინტერვიუში ხვიჩა კვარაცხელიას შესახებ ისაუბრა:
,,კვარაცხელიამ ორ თამაშში ინსინიე დაგვავიწყა. მან ჩემზე შთაბეჭდილება მოახდინა. ორ თამაშში სამი გოლი შეაგდო, ზელინსკის მისამართით ეფექტური საგოლე პასი შეასრულა. სრულყოფილი ფეხბურთელია. არ ვიცი მომავალში რისი გაკეთება შეუძლია, თუ ეს დასაწყისია''.
კოლომბამ კრიშტიანუ რონალდუს შესახებაც ისაუბრა. მოგეხსენებათ, შესაძლოა, ,,მან. იუნაიტედის'' ფორვარდი ნეაპოლურ კლუბში გადაბარგდეს. კოლომბას აზრით, ეს გადაწყვეტილება ,,ნაპოლისთვის'' სწორი არ იქნება, რადგან გუნდი ახალგაზრდა ფეხბურთელებზეა ფოკუსირებული.
,,ნაპოლის'' პოლიტიკა ახალგაზრდა ფეხბურთელებზეა ორიენტირებული. არ ვიცი, რონალდუს დამატება რამდენად ხელსაყრელია ლაურენტისისთვის, რადგან თუ ასე მოხდა, რონალდუს დამატება კლუბის პოლიტიკის წინააღმდეგ წასვლა იქნება''.
ფრანკო კოლომბას სერია ა-ში მუშაობის დიდი გამოცდილება აქვს. ყველა კლუბის ჩათვლით, სერია ა-ში მისმა გუნდებმა 177 მატჩი ჩაატარეს: 48 გამარჯვება, 54 მარცხი, 7 ფრე.
