ოფიციალურად - ბაილი მარსელის ფეხბურთელია
დიდი ხანია „მანჩესტერ იუნაიტედს“ არასაჭირო ფეხბურთელების გაშვება უნდა. ერთ-ერთი ასეთი ერიკ ბაილი იყო, რომელსაც აქტიურად უკავშირებდნენ „მარსელს“.
დღეს კი ოფიციალურად გახდა ცნობილი, რომ ბაილი „მარსელის“ ფეხბურთელია. ამის შესახებ ინფორმაცია ფრანგული კლუბის ვებ-საიტმა გაავრცელა.
???? ???????????????? ????????????????????????????
— Olympique de Marseille (@OM_Officiel) August 24, 2022
???? ???????????????????????????? ????????
✍️ «???????????? ???????????? ????????????????» #BienvenueSurMars ???????????????? ???????????????????????? ???????????? pic.twitter.com/YgFJlGDRRE
28 წლის ცენტრალური მცველი „მარსელს“ 1-წლიანი იჯარის წესით შეუერთდა და ხელფასს სრულად ფრანგული მხარე დაფარავს. კონტრაქტში ჩადებულია პუნქტი, რომლის მიხედვითაც „ოლიმპიკს“ ბაილის გამოსყიდვა 6 მილიონი ევროს სანაცვლოდ შეეძლება.
ბაილი „მანჩესტერში“
კოტ დ’იუვარელი ფეხბურთელი ინგლისურ გრანდს 2016 წელს შეუერთდა და სულ მალე ძირითადი შემადგენლობის ფეხბურთელად ჩამოყალიბდა, თუმცა გაუთავებელმა ტრავმებმა ერიკს სასურველი ფორმა დააკარგვინა და დიდი ხანია ის სათადარიგოთა სკამის მოთამაშედ ითვლება.
ცნობისთვის, 2016 წლიდან დღემდე, ბაილიმ „მანჩესტერ იუნაიტედის“ მაისური ყველა ტურნირზე ერთად 113-ჯერ მოირგო, 1 გოლი გაიტანა და 2 საგოლე გადაცემა შეასრულა.
