სპალეტი: ,,ახალწვეულებმა კლუბსა და ქომაგებს დიდი სიამოვნება მიანიჭეს“

სერია ა-ს მეორე ტურში ''ნაპოლი'' ''მონცას'' უმასპინძლებს. ნეაპოლური კლუბის მთავარმა მწვრთნელმა ლუჩიანო სპალეტიმ მატჩისწინა პრესკონფერენცია გამართა, სადაც აღნიშნა, რომ გუნდის ახალწვეულებს გამოცდილება აკლიათ, თუმცა იტალიელი სპეციალისტი დიდი სამუშაოს გასაწევად მზადაა, რომ მისი ხედვები ფეხბურთელებმა მოედანზე გადაიტანონ. სპალეტი ასევე აღნიშნავს, რომ გუნდის ახალწვეულებმა კლუბსა და ქომაგებს დიდი სიხარული მოუტანეს.

''ვიბრძვით, რომ კონკურენტუნარიანი გუნდი გავხდეთ და ჩვენი იდენტობა გვქონდეს მაშინაც კი, როცა ფეხბურთელები გამოცდილებას ახლა იძენენ ან საკლუბო თუ სანაკრებო მატჩებში მონაწილეობის მცირე გამოცდილება აქვთ. დიდი სამუშაოა ჩასატარებელი, თუმცა მზად ვართ, ჩვენი ხედვები ფეხბურთელებმა მოედანზე აჩვენონ. ენთუზიაზმი დაგვეხმარება, რომ უფრო ძლიერები გავხდეთ უმალ. ჩვენმა ახალმა შენაძენებმა ქომაგებს და კლუბის წევრებს დიდი სიამოვნება მიანიჭეს''.

სერია ა-ს პირველ ტურში „ვერონას" წინააღმდეგ ხვიჩა კვარაცხელიამ ჯერ გოლი გაიტანა, შემდეგ კი საგოლე გადაცემა შეასრულა. 68-ე წუთზე, როცა ანგარიში „ნაპოლის“ სასარგებლოდ 4:2 იყო, ლუჩანო სპალეტიმ ხვიჩა მოედნიდან გაიყვანა და დასვენების საშუალება მისცა.

„ნაპოლის“ საშინაო არენაზე, სტადიო „დიეგო არმანდო მარადონაზე“ ქართველი ფეხბურთელის დებიუტი 21 აგვისტოს არის დაგეგმილი. იტალიის სერია A-ს მეორე ტურში „ნაპოლი“ საკუთარ მოედანზე „მონცას“ დაუპირისპირდება. შეხვედრა საქართველოს დროით 20:30 საათზე გაიმართება.