ეს მატჩი ხალხს არასდროს დაავიწყდება - ვაისი ოლიმპიაკოსთან მარცხზე

UEFA-ს ევროპა ლიგის მესამე საკვალიფიკაციო ეტაპზე „სლოვანმა“ „ოლიმპიაკოსთან" უაღრესად დრამატული შეხვედრა გამართა. ვაისის გუნდმა 54-ე წუთზე გოლი გაუშვა და მთელი მატჩის განმავლობაში აგებდა, თუმცა 95-ე წუთზე წონასწორობა აღადგინა და დამატებითი დრო დაინიშნა.

ძირითადი დროის დამატებულ წუთზე „სლოვანი“ მოედანზე კაცნაკლული დარჩა. 101-ე წუთზე „ოლიმპიაკოსი“ კიდევ ერთხელ დაწინაურდა. 108-ე წუთზე ანგარიში გრინის გოლით გაათანაბრა, საგოლე პასი გურამ კაშიამ შეასრულა. პენალტების სერიაში ''სლოვანი'' დამარცხდა, გადამწყვეტი პენალტი გიორგი ჩაკვეტაძემ ვერ გაიტანა, ''ოლიმპიაკოსის'' მეკარემ აუღო.

მატჩის შემდეგ ''სლოვანის'' მთავარმა მწვრთნელმა ვლადიმირ ვაისმა მედიასთან ისაუბრა.

''პენალტების სერია ლატარეა არაა, ეს ფსიქოლოგიაა, როცა გადაწყვეტილებას იღებ. სამწუხაროდ, პენალტების სერიაში ორჯერ ცუდი გადაწყვეტილება მივიღეთ, ჩაკვეტაძემ და კუჩკამ ვერ გაიტანეს. რაც შეეხება თამაშს, ჩვენ შესანიშნავად ვითამაშეთ ძლიერ მეტოქესთან, 10-კაცით ვთამაშობდით და ამის მიუხედავად, ანგარიში გავათანაბრეთ.

''ჩემი გუნდით ვამაყობ, სწორედ ასეთი წარმომედგინა ფეხბურთელების გუნდურობა. ეს დიდებული ემოცია იყო, ასეთი ბედნიერი არასდროს ვყოფილვარ. ერთ დღეს, როცა აქ არ ვიქნები, ხალხს ეს მატჩი ყოველთვის ემხასოვრებათ, არასდროს დაავიწყდებათ''.