„დიდ წარმატებას მიაღწევს" - UFC ექს-ჩემპიონი თოფურიას აქებს

UFC-ის უმსუბუქესი წონითი დივიზიონის ყოფილმა ჩემპიონმა, ბრენდონ მორენომ ილია თოფურიაზე მოკლედ ისაუბრა. მექსიკელმა EFE-ს ვრცელი ინტერვიუ მისცა, რომლის დროსაც ესპანელ მებრძოლებზე ჰკითხეს და მორენომ „ელ მატადორიც“ ახსენა.

„ესპანეთიდან ბევრი გამორჩეული მებრძოლია. ხოელ ალვარესი შესანიშნავი მებრძოლია და მართალია, ბოლო ბრძოლა წააგო, მაგრამ ბრწყინვალე შესაძლებლობები აქვს. ილია თოფურიაც უნდა გამოვარჩიოთ. ვფიქრობ, მას დიდი წარმატება ელის".

შეგახსენებთ, რომ „ელ მატადორი“ თავის მომდევნო ბრძოლას 29 ოქტომბერს, ედსონ ბარბოზას წინააღმდეგ გამართავს. ეს უკანასკნელი 2021 წლის 28 აგვისტოს, იგი ოქტაგონზე გიგა ჭიკაძის წინააღმდეგ გავიდა და მე-3 რაუნდში, ტექნიკური ნოკაუტით დამარცხდა. მას შემდეგ, ბარბოზამ კიდევ ერთი ბრძოლა გამართა და ბრაის მიჩელთან მსაჯების ერთსულოვანი გადაწყვეტილებით წააგო.

ბარბოზა 36 წლისაა და 2020 წლის შემდეგ, ქვემსუბუქ წონით დივიზიონში გამოდის, რაც ნიშნავს, რომ ეს ბრძოლაც ქვემსუბუქ წონით დივიზიონში გაიმართება. იგი ამ წონითი დივიზიონის ტოპ 15-ის წევრია და მე-13 ადგილს იკავებს, ილია კი მე-15 გახლავთ. როგორც მოგეხსენებათ, თოფურიამ ბოლოს ჯაი ჰერბერტის წინააღმდეგ იჩხუბა და მსუბუქ წონით დივიზიონში სადებიუტო ბრძოლა ჩაატარა.