ოფიციალურად - სუარესი ნასიონალში დაბრუნდა
ბოლო პერიოდის განმავლობაში გულშემატკივრებს აინტერესებდათ, თუ სად გააგრძელებდა ლუის სუარესი კარიერას. შეგახსენებთ, რომ ურუგვაელი თავდამსხმელი თავისუფალი აგენტია და ნებისმიერ კლუბში შეუძლია გადასვლა.
საუბარი მიდიოდა MLS-ის რამდენიმე კლუბზე, ყველაზე მეტი კი „ინტერ მაიამიზე“ იწერებოდა, თუმცა გუშინ თავად ფეხბურთელმა ყველაფერს წერტილი დაუსვა. ლუისმა „ტვიტერის“ საკუთარ გვერდზე ვიდეო მიმართვა გაავრცელა, რომელშიც ამბობდა, რომ „ნასიონალამდე“ 1 ნაბიჯი აშორებდა და დარჩენილი მხოლოდ რამდენიმე დეტალის შეთანხმება იყო.
დღეს კი ურუგვაული კლუბის ოფიციალურმა ვებ-საიტმა ყველაფერი ოფიციალურად დაადასტურა. ლუის სუარესი „ნასიონალში“ ითამაშებს. ჯერჯერობით კონტრაქტის დეტალები უცნობია.
La ilusión de todos, el amor por los colores y la alegría de volver a verte con la camiseta más linda del mundo ????????❤️
— Nacional (@Nacional) July 27, 2022
¡Felices de tenerte en casa! @LuisSuarez9 #ElClubGigante pic.twitter.com/KpH9qK1nVl
შეგახსენებთ, რომ 35 წლის თავდამსხმელი ბოლოს მადრიდის „ატლეტიკოში“ თამაშობდა, სადაც 2 სეზონი გაატარა. ამ პერიოდის განმავლობაში სუარესმა „როხიბლანკოს“ მაისური ყველა ტურნირზე ერთად 83-ჯერ მოირგო, 34 გოლი გაიტანა და 6 საგოლე გადაცემა შეასრულა.
