ჩელსი ტრანსფერში ვერნერის ჩართვას აპირებდა - პსჟ-მ მათ ფეხბურთელი წაართვა
სატრანსფერო ფანჯარა გახურდა. ევროპული გრანდები ფეხბურთელების დამატებას ცდილობენ. ერთ-ერთი ყველაზე აქტიური ლონდონის „ჩელსია“, რომელმაც რაჰიმ სტერლინგი და კალიდუ კულიბალი დაიმატა.
„არისტოკრატები“ რონალდუს, კუნდეს და რაფინიას გადაბირებასაც ცდილობდნენ, მაგრამ საბოლოო ჯამში ტრანსფერები არ შედგა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ამ საკითხთან დაკავშრებით, „ტვიტერის“ საკუთარ გვერდზე ახალ ინფორმაციას ავრცელებს.
როგორც ირკვევა, ლონდონელებს „ლაიპციგის“ თავდამსხმელის ნორდი მუკიელეს გადაბირება სურდათ და ტრანსფერში ტიმო ვერნერის ჩასართავადაც მზად იყვნენ, მაგრამ გერმანული კლუბი „პარი სენ ჟერმენს“ შეუთანხმდა. 24 წლის უკანახაზელი სულ მალე სამედიცინო შემოწმებას გაივლის და ყველაფერს ოფიციალური სახე მიეცემა.
Nordi Mukiele will undergo first part of medical tests as new Paris Saint-Germain player tonight, then all the other stuff will be completed on Tuesday. ???????????? #PSG
— Fabrizio Romano (@FabrizioRomano) July 25, 2022
Chelsea wanted to include Timo Werner to hijack deal with RB Leipzig but it was already agreed with PSG. #CFC
ნორდი მუკიელე „ლაიპციგში“
ფრანგი ფეხბურთელი „რედ ბულის“ კლუბს 2018 წელს „მონპელიედან“ შეუერთდა. ამ პერიოდის განმავლობაში მუკიელემ „ლაიპციგის“ მაისური ყველა ტურნირზე ერთად 145-ჯერ მოირგო, 10 გოლი გაიტანა და 11 საგოლე გადაცემა შეასრულა.
