არველაძის ჰალ სიტი ლესტერთან განადგურდა

ევროპაში სხვადასხვა გუნდები წინასასეზონო მომზადებას გადიან. გამონაკლისი არც „ჰალ სიტი“ გახლავთ. შოთა არველაძის გუნდი პრემიერ ლიგის ბინადარს „ლესტერ სიტის“ დაუპირისპირდა და სამწუხაროდ 0:4 განადგურდა.

მთელი მატჩის განმავლობაში ბრენდან როჯერსის შეგირდები ლიდერობდნენ, რაც საბოლოო ანგარიშშიც აისახა. დებიუტი ჰქონდათ ახალწვეულებს - ფიგუერიდოს და ოზან ტუფანს, თუმცა მათ ვერაფერი შეცვალეს.

ანგარიში 29-ე წუთზე დაკამ გახსნა და პირველი ნახევარი ამ შედეგით დასრულდა. მეორე ტაიმში „ლესტერმა“ ზეწოლა გააძლიერა და ბარნსმა 47-ე წუთზე სხვაობა ორ ბურთამდე გაიზარდა. უესლი ფოფანამ ზუსტად 4 წუთში გაისროლა და ტაბლოზე 3:0 დაფიქსირდა. „ჰალ სიტის“ განადგურება კი 84-ე წუთზე გამოცდილმა მედისონმა დაასრულა.

შეგახსენებთ, რომ შოთა არველაძის გუნდმა ბოლო ორი ამხანაგური მატჩი მოიგო. საინტერესოა, რომ ორივე ერთ დღეს გამართა. „ჰალმა“ ჯერ „ბრაიტონის“ 23-წლამდე გუნდს 2:1 მოუგო, ხოლო შემდეგ ესპანურ „მალაგას“ 3:1.

შეგახსენებთ, რომ მომავალ მატჩში ჩემპიონშიფის ბინადარი 23 ივლისს „კემბრიჯ თაუნის“ წინააღმდეგ გამართავს. აღნიშნული დაპირისპირება თბილისის დროით 15:00-დან დაიწყება.