ლევანდოვსკი: "ბაიერნში დიდებული 8 წელი გავატარე"
რობერტ ლევანდოვსკის სატრანსფერო საგა დასრულდა. პოლონელი „ბარსელონაში“ გადადის. ყველა გავლენიანი წყარო, ფაბრიციო რომანო, ჯანლუკა დი მარციო, თუ სხვა ცნობილი ჟურნალისტი ადასტურებს, რომ 33 წლის ფეხბურთელი მალე „ბარსას“ რიგებში იქნება.
ამ ამბავის გავრცელების შემდეგ, პოლონელი თავდამსხმელი Sky Torben-ს ესაუბრა და შემდეგი რამ განაცხადა.
ლევანდოვსკი:
„განვლილი 8 წელი ჩემთვის განსაკუთრებული იყო და არ მინდა, რომ დამავიწყდეს. მიუნხენში დიდებული დრო გავატარე. მე დავბრუნდები, რომ თითოეულ თანამშრომელს სათანადოდ დავემშვიდობო.“
Robert Lewandowski: “These 8 years were special and I won't forget that. I had a great time in Munich”, he tells @Sky_Torben. ???? #FCBayern
— Fabrizio Romano (@FabrizioRomano) July 16, 2022
“I will come back to say goodbye to all employees properly”, Lewa says ahead of his move to Barcelona. pic.twitter.com/w91XYTODZ0
ცნობისთვის, კატალონიელებს მისი ტრანსფერი 45 მილიონი ევრო დაუჯდებათ. ბონუსების სახით კი დამატებით 5 მილიონის გადახდა მოუწევთ. ლევანდოვსკი კონტრაქტს 2025 წლამდე გააფორმებს. 3+1 სისტემით.
ვრცელდება ინფორმაცია, რომ რობერტი ბარსელონაში კვირას ჩაფრინდება. პრეზენტაციის შემდეგ კი ის აშშ გუნდს შეუერთდება, სადაც შესაძლოა მისი დებიუტი „ელ კლასიკოში“ მადრიდის „რეალის“ წინააღმდეგ შედგეს.
„ბაიერნში“ 8 სეზონში ლევანდოვსკიმ 375 მატჩში 344 გოლი გაიტანა და 72 საგოლე გადაცემა შეასრულა.
