NBA ზაფხულის ლიგა: მამუკელაშვილის 19 ქულა დალასთან
„მილუოკი ბაქსმა“ და სანდრო მამუკელაშვილმა NBA-ს საზაფხულო ლიგა ლას ვეგასში „დალასთან“ შეხვედრით დაასრულეს, რომელიც მათი გამარჯვებით 100:89 დასრულდა.
სანდრომ თავი ამჯერადაც გამოიჩინა და 28 წუთში 19 ქულა, 6 მოხსნა, 3 გადაცემა მიითვალა. 4-დან 1 ზუსტი სამიანი ესროლა, 6-დან 4 ორქულიანი ჩააგდო და 10-დან 8 ზუსტი საჯარიმო ჰქონდა.
Mamu with the assist to a wide open A.J. Green. ???? pic.twitter.com/qYuvW9klvn
— Milwaukee Bucks (@Bucks) July 15, 2022
წინა შეხვედრაში მამუკელაშვილს „მინესოტასთან“ 18 ქულა, 15 მოხსნა, 4 პასი, 2 დაფარება ჰქონდა.
Mamu picking up where he left off yesterday. ???? pic.twitter.com/ph6pKD2IzW
— Milwaukee Bucks (@Bucks) July 15, 2022
შეგახსენებთ, რომ 12 ივლისს NBA.com-მა ლას ვეგასში მიმდინარე საზაფხულო ლიგას სტატია მიუძღვნა და ის კალათბურთელები დაასახელა, რომლებიც წარმატებით ასპარეზობენ და თავი გამოიჩინეს. ქართველი ქომაგებისთვის სასიხარულო ის ფაქტია, რომ NBA.com-ის რჩეულთა შორის სანდრო მამუკელაშვილიც მოხვდა.
