მატჩის კომენტატორი: „ვინ შეაგდო დუბლი? ფეხბურთელმა წარმოუთქმელი გვარით“
„ნაპოლი“ დიმაროში იმყოფება, სადაც ახალი სეზონისთვის ემზადება და დღეს, პირველი ამხანაგური შეხვედრა გამართა. მატჩი ამ წუთებში მიმდინარეობს და „პარტენოპეი“ მეტოქეს უშანსოდ ამარცხებს. ნეაპოლელთა რიგებში ძირითად შემადგენლობაში გამოჩნდა ხვიჩა კვარაცხელია, რომელმაც დუბლი და საგოლე გადაცემა შეასრულა.
პირველი ტაიმის შემდეგ, „კვარას“ თამაშს აღნიშნული მატჩის კომენტატორი და ცნობილი ჟურნალისტი, კარლო ალვინო გამოეხმაურა. ამ უკანასკნელმა შეხვედრის შესვენებაზე „ტვიტერის“ საკუთარ გვერდზე პოსტი გამოაქვეყნა და განაცხადა:
„კი მაგრამ როგორ შეგიძლია... კომენტატორობას დავუბრუნდი და ვის გააქვს დუბლი? ერთადერთ ფეხბურთელს, რომელსაც წარმოუთქმელი გვარი აქვს“.
Ma come si può… torno in telecronaca e chi fa doppietta? L’unico impronunciabile ???????????? #Kvaratskhelia #ForzaNapoliSempre
— Carlo Alvino (@Carloalvino) July 14, 2022
შეგახსენებთ, რომ „ნაპოლის“ მეტოქე „ანაუნე ვალ დი ნონი“ გახლავთ, რომელიც სამოყვარული გუნდია.
