„ისტორია შექმნილია, მიიღეთ ისინი 6 ერში“ - პრესა და ქომაგები საქართველოზე
ბათუმში იტალიის წინააღმდეგ საქართველოს მორაგბეთა ნაკრების ისტორიულ გამარჯვებას წამყვანი სარაგბო გამოცემები გამოეხმაურნენ და 6 ერთში „ბორჯღალოსნების“ მიღებაზე გააკეთეს აქცენტი.
„საქართველო ისტორიას ბათუმში იტალიასთან გამარჯვებით წერს“,
- ასეთი სათაური აქვს rugbypass-ის სტატიას, რომელიც ჩვენი ნაკრების გამარჯვებას ეძღვნება.
„ბათუმში, კვირა საღამოს, ბორჯღალოსნებმა ისტორია შექმნეს, იტალია 25-19 დაამარცხეს და ისტორიაში პირველად, პირველი დონის გუნდთან ისტორიული გამარჯვება დააფიქსირეს.
პირველი შემთხვევა იყო, რომ გუნდები ერთმანეთს საქართველოში პირველად დაუპირისპირდნენ. პირველივე წუთებიდანვე ქომაგებმა ნათლად აჩვენეს, რომ ეს უბრალოდ ოპერატიული ბრბო არ იქნებოდა.
ეს არ იყო 2000-იანი წლების საქართველოს ნაკრები, რომელსაც ასე ძალიან სურდა გამარჯვება. 2022 წლის ფორმაციის ნაკრები მოსაგებად ყველაფრის გაღებას აპირებდა, რაც მათ ხელში იყო.
გულშემატკივარი სულ უფრო და უფრო ხმამაღლა ღრიალებდა და, როდესაც სასტვენის ხმა გაისმა, რომელმაც მატჩი დაასრულა, ტაბლოზე ეწერა - საქართველო 28, იტალია 19.
ისტორია შექმნილია. საქართველომ მოიგო. და ქომაგები, მოთამაშეები ერთიანად აფეთქდნენ“.
- ვკითხულობთ rugbypass-ის სტატიაში.
„ისტორიული გამარჯვება საქართველოსთვის. საქართველო ქმნის საკუთარ ნაჭერს ისტორიისა და ბათუმში იტალიის ნაკრების დამარცხებით“.
- წერს World Rugby-ის ოფიციალური გვერდი სოციალურ ქსელში.
It has been a weekend of firsts@GeorgianRugby ???????? pic.twitter.com/LByePQm5oC
— World Rugby (@WorldRugby) July 10, 2022
ასევე ძალიან საინტერესოა რაგბის უცხოელი ქომაგების გამოხმაურება, რომლებიც საქართველოს 6 ერში მიღებას ითხოვენ. გთავაზობთ რამდენიმე საინტერესო კომენტარს:
„როგორც იტალიელი გულშემატკივარი - საქართველომ გამარჯვება დაიმსახურა!“
„მიიღეთ საქართველო 6 ერში!“
„ექვს ერში მიიღეთ, სამართლიანობა ყველასათვის!“
„აი რატომ უნდა შეუერთდეს საქართველო ექვს ერს და არა სამხრეთ აფრიკა“.
„ამ მატჩს ვუყურე და ის თანაბარი იყო, თუმცა საქართველომ საოცარი მეორე ტაიმი ჩაატარა და ამის ყურება სასიხარულო იყო! ყოჩაღ ბორჯღალოსნებს, დამსახურებული გამარჯვება იყო!“
„ქართველები ვნებიანად თამაშობენ და მომატების პოტენციალი აქვთ. ექვს ერში გაზრდის რეალური შანსი აქვთ. იმავეს ვერ ვიტყვი იტალიაზე. ბედნიერი ვარ ამ გამარჯვებით“.
„საქართველო სწორ გზაზე დგას, რომ ექვს ერში მოხვდეს. დაივიწყეთ სამხრეთ აფრიკის შესახებ, ეს მხოლოდ სუფთა ფულის ამბავია. საქართველო არის ის, თუ როგორ ვავითარებთ თამაშს და გავაფართოოთ ჩვენი ექვსი ერის ოჯახი“.
