რას ირიდებს თავიდან? - ტუხელს რონალდუს ტრანსფერი არ უნდა

კრიშტიანუ რონალდუს სატრანსფერო საგა ზაფხულში პრესისთვის ერთ-ერთი მთავარი თემაა. პორტუგალიელს ბოლო დროს „ჩელსის“ აქტიურად უკავშირებენ, თუმცა ნელ-ნელა მეტი დეტალი ხდება ცნობილი.

Daily Mail-ის ცნობით, ლონდონელთა მთავარი მწვრთნელი ტომას ტუხელი რონალდუს ტრანსფერის წინააღმდეგია და კლუბს ურჩევს, რომ პორტუგალიელი არ გაიფორმონ.

წყაროს ცნობით, ტუხელს ურჩევნია, რომ შეტევაში რაჰიმ სტერლინგი, რაფინია (ლიდსიდან) და ცრუ ცხრიანად კაი ჰავერცი ჰყავდეს. მას სურს კრიშტიანუს თავი აარიდოს.

ბრიტანული გამოცემა წერს, რომ რონალდუს „ჩელსიში“ ტრანსფერი გუნდის თამაშზე მნიშვნელოვან გავლენას მოახდეს და როგორც ჩანს, მწვრთნელს ეს არ სურს.

Daily Mail-ი წერს, რომ გასულ სეზონში მსგავსი რამ უკვე მოხდა, როცა ოლე გუნარ სულშერს გუნდში რონალდუ მიუყვანეს, რომელმაც „იუნაიტედის“ თამაშზე დიდი ზეგავლენა მოახდინა. პორტუგალიელის ფონზე სანჩოს, გრინდუვიდისა და რაშფორდის სრულად გამოყენება ვერ მოხდა. საბოლოოდ, ყველაფერს მწვრთნელი შეეწირა.

როგორც იწერება, რონალდუს ტრანსფერით „ჩელსის“ ახალი მფლობელი ტოდ ბოელი ინტერესდება. მას სურს, რომ ქომაგებს ახალი სუპერვარსკვლავი უყიდოს, ნეიმარი ან რონალდუ და მათი გულები მალევე მოიგოს.