77 - ცნობილია, თუ რომელი ნომრით ითამაშებს ხვიჩა ნაპოლიში
ხვიჩა კვარაცხელია „ნაპოლის“ უკვე შეუერთდა და წინასასეზონო მზადებაც დაიწყო. გუნდთან ერთად პირველი ვარჯიშის ჩატარების შემდეგ, ცნობილი გახდა რომ ქართველმა შემტევმა თავისი სათამაშო ნომერი აირჩია.
„ხვიჩამ თავისი მაისურის ნომერი აირჩია“
- წერს ნაპოლის ოფიციალური გვერდი სოციალურ ქსელში, სადაც ვიდეოში ვხედავთ, რომ კვარამ 77-ნომრიანი მაისური აირჩია.
???? Khvicha has picked his shirt number ????
— Official SSC Napoli (@en_sscnapoli) July 9, 2022
???? #ForzaNapoliSempre pic.twitter.com/BghGdaFBtW
როგორც ცნობილი იყო, ნეაპოლელებმა ხვიჩას სამი ვარიანტი შესთავაზეს. ქართველი შემტევის ფავორიტი ნომერი 7 არის, თუმცა რახან ის გუნდში დაკავებულია, კვარაცხელიამ არჩევანი 77-ზე შეაჩერა.
„კვარა მესი“
„ნაპოლი“ დიმაროში შეკრებაზე იმყოფება და რა თქმა უნდა, გუნდთან ერთადაა ხვიჩა კვარაცხელიაც, რომელსაც გამოჩენისას ქომაგებმა „კვარა მესი“ უწოდეს.
იტალიაში მდებარე სამთო-საკურორტო ქალაქ დიმაროში „ნაპოლი“ 19 ივლისამდე დარჩება. ავტობუსიდან ჩამოსულ ფეხბურთელებს იქვე ქომაგები დახვდნენ. ხვიჩას გამოჩენისას კი შეძახილები გაისმა - „კვარა! მესი!“
#Napoli, la squadra arriva in ritiro: c'è chi, per semplicità, chiama #Kvaratskhelia "Messi" pic.twitter.com/6gevKJdQ2o
— calciomercato.com (@cmdotcom) July 8, 2022
შეგახსენებთ, რომ „ნაპოლი“ შეკრებაზე ორ შეხვედრას ჩაატარებს. პირველი 14 ივლისს ქვედა ლიგის ბინადარ „ბასა ანაუნიასთან“ იქნება, მეორე კი 17 ივლისს „ბერუჯას“ წინააღმდეგ.
