კონფერენს ლიგა: გორის დილა ფინეთში დამარცხდა

გორის „დილამ“ კონფერენს ლიგის პირველ ეტაპზე ფინეთში „კუპსთან“ 0:2 დამარცხდა.

პირველი ტაიმი მასპინძელთა უპირატესობით წარიმართ. კარისკენ 8-ჯერ დაარტყეს, თუმცა აქედან ზუსტი მხოლოდ ერთი იყო და ისიც ძალიან ლამაზი. 32-ე წუთზე იკაუნიეკსის შესანიშნავი ჯარიმით ფინელები დაწინაურდნენ.

მეორე ნახევარში „დილა“ უკეთ გამოიყურებოდა, თუმცა ეს მხოლოდ ბურთის ფლობაში გამოიხატა და გორელებმა კარში ზუსტად 1 დარტყმის განხორციელებაც ვერ შეძლეს (პირველ ტაიმში 1 ზუსტი დარტყმა ჰქონდათ).

მასპინძლებმა მომენტების შექმნა განაგრძეს და შეხვედრას წერტილი 91-ე წუთზე ვაირინენის გოლით დაუსვეს.

ამრიგად, გორელებმა განმეორებითი მატჩის წინ საქმე გაირთულეს. საპასუხო შეხვედრა 14 ივლისს გორში შედგება.