ტიტული მეოთხედ დაიცვა - ადესანიამ კანონიერი დაამარცხა

UFC 276-ზე საღამოს მთავარი ღონისძიება გაიმართა საშუალო დივიზიონის ჩემპიონ ისრაელ ადესანიასა და ჯარედ კანონიერს შორის, რომელიც „იზის“ გამარჯვებით დასრულდა.

ადესანიამ არბიტრთა ერთიანი გადაწყვეტილებით მოიგო - 49-46, 49-46, 50-45.

AND … STILL THE UFC MIDDLEWEIGHT CHAMP ????

Israel “The Last Stylebender” Adesanya defeats Jared Cannonier via unanimous decision #UFC276 pic.twitter.com/ghRBAlC1DU

— Bleacher Report (@BleacherReport) July 3, 2022

ბუკმეიკერები შეხვედრამდე უდავო ფავორიტად სწორედ ნიგერიელს ასახელებდნენ და მოლოდინი გამართლა კიდეც.

ადესანიამ საჩემპიონო ქამარი მეოთხედ დაიცვა და კარიერაში 23-ე გამარჯვება მოიპოვა ერთი მარცხის წინააღმდეგ, ხოლო კანიონერმა მეექვსე მარცხი იგემა, მის ანგარიშზე 15 გამარჯვებაა.

ბრძოლის შემდეგ ადესანიამ პრესასთან ისაუბრა:

„ერთ რამეს გეტყვით: მათ ბრძოლის შესანიშნავი გეგმა ჰქონდათ. მართლაც რთული იყო ჩემი სვლების განხორციელება, მეორე დარტყმის ფაზები, რადგან მათ კარგი გეგმა ჰქონდათ.

ჩვენ ვიცით ვინ არის შემდეგი. ეს არის ალექს პერეირა”.