„კვარა...კავარაც... კვარაცხ...“ - სერია A ხვიჩას მიესალმა
ხვიჩა კვარაცხელია „ნაპოლის“ ფეხბურთელია. „პარტენოპეიმ“ მისი გაფორმების შესახებ რამდენიმე წუთის წინ განაცხადა და ქართველი შემტევის ნეაპოლურ გრანდში გადასვლას სერია A-ს „ტვიტერის“ ოფიციალური გვერდიც გამოეხმაურა.
Lega Seria A ხვიჩას მიესალმა და სახუმარო პოსტი გამოაქვეყნა, რომელშიც წარმოსათქმელად რთული გვარის გამო, კვარაცხელიას სახელით მიესალმა: „კეთილი იყოს შენი მობრძანება სერია A-ში კვარა... კავარაც... კვარაცხ... კეთილი იყოს შენო მობრძანება ხვიჩა”
Benvenuto in #SerieATIM ????, Kvara...Kavarats...Kvarastkh... vabbè benvenuto Khvicha. ???? pic.twitter.com/cJSCTemHLD
— Lega Serie A (@SerieA) July 1, 2022
ცნობისთვის, „ნაპოლის“ პრეზიდენტმა, აურელიო დე ლაურენტისმა დაადასტურა, რომ ბათუმის „დინამოს“ ფეხბურთელი ხვიჩა კვარაცხელია კარიერას „პარტენოპეის“ რიგებში გააგრძელებს. Corriere dello Sport-ის ცნობით, „კვარას“ შეძენა დაახლოებით 10 მილიონი ევრო დაჯდება, რასაც 1 მილიონი ევროს ოდენობის ბონუსები დაემატება. ქართველი ფეხბურთელი კლუბთან 5-წლიან კონტრაქტს გააფორმებს.
