"აღარ მჭირდებით" - ჩავი ბარსელონას ოთხ ფეხბურთელს გუნდიდან წასვლას ურჩევს

სულ მალე „ბარსელონა“ წინასასეზონო მომზადებას დაიწყებს. ჩავი ერნანდესი ნელ-ნელა გუნდის შეკრებას იწყებს. ცნობილი ხდება, რომ ესპანელ სპეციალისტს საკუთარი გუნდიდან 4 ფეხბურთელი აღარ სურს და მოსამზადებელ მატჩებში მონაწილეობას არ მიაღებინებს.

საუბარი ოსკარ მინგესაზე, რიკი პუჩიზე, მარტინ ბრაითვაიტზე და სამუელ უმტიტიზეა. ჩავიმ მათ ნათლად განუცხადა, რომ აღარ სჭირდება. სამუელ უმტიტი დიდი ხანია გუნდისთვის პრობლემაა. ფრანგ უკანახაზელს კოლოსალური ანაზღაურება აქვს და ბარსას დატოვება არ უნდა.

შედარებით მარტივი სიტუაციაა მინგესას და პუჩის შემთხვევაში. რა თქმა უნდა, მათ დარჩენა სურთ, მაგრამ აცნობიერებენ, რომ ძირითადი შემადგენლობისთვის ვერ იბრძოლებენ. დანიელი თავდამსხმელი უმტიტის შეხედულებებს იაზრებს.

მარტინ ბრაითვაიტმა „ბარსელონას“ შემადგენლობაში უკანასკნელად მიმდინარე წლის 13 მარტს მხოლოდ 11 წუთი ითამაშა. დანიელი თავდამსხმელის მომავალი კი ბურუსით არის მოცული. 30 წლის ფეხბურთელს „ბლაუგრანასთან“ კონტრაქტი 2024 წლის ივნისში ეწურება და არსად წასვლას არ გეგმავს, თუმცა კლუბში სულ სხვა აზრი აქვთ.

ამ საკითხთან დაკავშირებით, ესპანელი ჟურნალისტი პოლ ალონსო „ტვიტერის“ საკუთარ გვერდზე ახალ ინფორმაციას ავრცელებს.

ვიგებთ, რომ ბარსა მარტინის გარემოცვას გაესაუბრა. დიალოგის შინაარსი კი ასეთი იყო: თუ ბრაითვაიტი იმ მიდგომას არ შეცვლის, რომლის მიხედვითაც მას კლუბის დატოვება არ სურს, ასეთ შემთხვევაში „ბარსელონა“ უმკაცრეს ზომებს მიმართავს. „ბლაუგრანას“ სურს, რომ დანიელი თავდამსხმელი გუნდიდან თავის ნებით წავიდეს.

⚠️ El Barça ha comunicado al entorno de Braithwaite que si continúa con la misma actitud de no querer dejar el club, tomarán medidas severas en las próximas semanas. Quieren que salga sí o sí. (Vía @sport) #FCBlive #Barça #Mercato pic.twitter.com/RudsPO2OKV

— Pol Alonso ????⚽ (@Polyccio8) June 4, 2022