აგენტი მისთვის ახალ გუნდს ეძებს, იუნაიტედი გაყიდვას არ აპირებს - რა ხდება რეალურად?
ცნობილი იტალიური გამოცემა Football Italia La Gazzetta dello Sport -ზე დაყრდნობით წერს, რომ კრიშტიანუ რონალდუს აგენტი ჟორჟე მენდეში მისი კლიენტისთვის ახალ კლუბს ეძებს.
როგორც მოგეხსენებათ, რონალდუს ირგვლივ ძალიან ბევრი ურთიერთგამომრიცხავი ინფორმაცია ვრცელდება. გადაჭრით ჯერჯერობით არაფრის თქმა არ შეიძლება, თუმცა სხვადასხვა სანდო გამოცემები თითქმის ყოველ დღე ახალ ინფორმაციებს ავრცელებენ.
Cristiano Ronaldo riscopre la voglia d'Italia: è stato offerto alla Roma! https://t.co/0VJNnkaiMG
— La Gazzetta dello Sport (@Gazzetta_it) June 25, 2022
წყაროს ცნობით, მენდეშმა კრიშტიანუ „რომას“ შესთავაზა. მენდეში რომაელთა მთავარი მწვრთნელის, ჟოზე მოურინიოს ინტერესებსაც წარმოადგენს და ეს რონალდუს შესაძლო ტრანსფერს უწყობს ხელს.
კრიშტიანუს სახელი აქამდე „ჩელსის“ და „ბაიერნსაც“ დაუკავშირეს, თუმცა ინფორმაცია საბოლოოდ არ დადასტურდა, ოფიციალურ შეთავაზებამდე საქმე არ მისულა. „რომას“ შესახებაც ბევრჯერ დაიწერა, თუმცა აქამდე არსებული ყველა ცნობა ნაკლებად სანდო იყო.
ფაბრიციო რომანო წერს, რომ „მანჩესტერი“ რონალდუს გაყიდვას არ აპირებს და მას ხელშეუხებლად თვლიან. ერიკ ტენ ჰაგი მას საჭირო მოთამაშედ თვლის და კლუბიც პორტუგალიელის შესაძლო გაყიდვაზე არანაირ მოლაპარაკებებს არ აწარმოებს.
Transfer window’s still long, things can change… but Manchester United are clear on Cristiano Ronaldo: he’s considered not for sale, no talks now ongoing to sell him. ???? #MUFC
— Fabrizio Romano (@FabrizioRomano) June 25, 2022
Man United and Erik ten Hag both want Cristiano to stay and expect him to be part of the team. pic.twitter.com/pNylTktRNl
მიუხედავად ამისა, დიდი ალბათობით უახლოეს დღეებში რონალდუს შესახებ მორიგი ინფორმაცია გავრცელდება. სავარაუდოდ, ზაფხულის დიდი ნაწილი ასე იქნება.
