რენატუ სანჩესი პარიზში? - მილანის სამიზნე პსჟ-ს უახლოვდება
ფრანგული მედიის ცნობით, კრისტოფ გალტიეს პსჟ-ში რენატუ სანჩესის ხილვა სურს. RMC SPORT-ის ინფორმაციით, პსჟ-სა და პორტუგალიელს შორის მოლაპარაკება პროგრესირებს. შესაძლოა, ''ბაიერნის'' ექს-ნახევარმცველი ''ლილიდან'' უმდიდრეს ფრანგულ გუნდში აღმოჩნდეს.
???? Des négociations sont en cours entre le PSG et l'entourage de Renato Sanches. Le club de la Capitale vient de lancer l'opération pour s'attacher les services du milieu de terrain du LOSC. Les discussions progressent, avec à la manœuvre Luis Campos.
— RMC Sport (@RMCsport) June 18, 2022
მოთამაშის გადაბირება ''მილანსაც'' სურს, თუმცა ფრანგული მედიის ცნობით უპირატესობა პსჟ-მ მოიპოვა, რადგან ''მილანი'' ფეხბურთელში 15 მილიონს იხდის, პსჟ კი მზადაა 30 მილიონი ევრო გადაიხადოს.
2019-21 წლებში ''ლილიში'' რენატუ სანჩესის მწვრთნელი კრისტოფ გალტიე იყო, რომელიც უახლოეს პერიოდში პსჟ-ს მთავარი მწვრთნელი ოფიციალურად გახდება, მისი დანიშვნა გადაწყვეტილია.
რენატუ სანჩესს ''ლილისთან'' კონტრაქტი 2023 წლის 30 ივნისამდე აკავშირებს. გასულ სეზონში ''ლილის'' რიგებში ყველა ტურნირის ჩათვლით 32 მატჩი ჩაატარა. მის აქტივში 2 გოლი და 5 საგოლე პასია. მას ასევე უთამაშია ლისაბონის ''ბენფიკაში'' (2015-16), მიუნხენის ''ბაიერნსა'' (2016-19) და ''სუონსიში'' (იჯარით, 2017-18). 2019 წლიდან ''ლილის'' ღირსებას იცავს.
