ჭადრაკში მსოფლიო ჩემპიონის, ბელა ხოტენაშვილის ოჯახს დახმარება სჭირდება
ჭადრაკში მსოფლიო ჩემპიონის, ბელა ხოტენაშვილის ოჯახი საზოგადოების დახმარებას ითხოვს.
ქართველო მოჭადრაკის 1 წლის შვილს, გაბრიელ სულაშვილს, რამდენიმე თვის წინ, აგრესიული ფორმის ნეირობლასტომა აღმოაჩნდა, ოჯახს სამკურნალოდ თანხის შეგროვება უჭირს.
ბელა ხოტენაშვილის შვილი მკურნალობის კურსს საფრანგეთში გადის, თუმცა მკურნალობის ბოლო ეტაპზე დაავადების რეციდივის განვითარების გამო, მას უახლესი ამერიკული პრეპარატი სჭირდება. წამალი ამერიკის შეერთებული შტატების წამლების სააგენტომ 31 მაისს დაამტკიცა და მისი ღირებულება ასეულობით ათასი დოლარია, ოჯახს კი პრეპარატის საყიდლად შესაბამისი ფინანსური შესაძლებლობა არ გააჩნია.
სამედიცინო პერსონალის განმარტებით, დაავადება ყოველდღიურად პროგრესირებს, საფრანგეთის ჯანდაცვის სამინიტროს, კი პრეპარატზე ხელი არ მიუწვდება. ექიმები თვლიან, რომ გაბრიელ სულაშვილის სიცოცხლის გადასარჩენად, წამლის სასწრაფოდ შეძენაა საჭირო.
ცნობისთვის, ბელა ხოტენაშვილი 16-წლამდე გოგონათა შორის 2004 წელს მსოფლიო ჩემპიონატის გამარჯვებული გახდა, უფროს მოჭადრაკეთა შორის კი არაერთ მნიშვნელოვან წარმატებას როგორც მსოფლიო და ევროპის ჩემპიონატებზე, ისე საჭადრაკო ოლიმპიადაზე. ამის გარდა, მას 2007 წელს საერთაშორისო დიდოსტატის წოდება მიენიჭა და საქართველოში სპორტის რაინდადაც არის წოდებული.
დახმარების მსურველებს თანხა შეუძლიათ აღნიშნულ ანგარიშზე გადარიცხონ:
ანგარიშის ნომერი: GE42TB7213545066300001
მიმღები: ბელა ხოტენაშვილი
