კვარაცხელია: რევანში საჭირო იყო, რაც დავკარგეთ ის უნდა დავიბრუნოთ

ჩრდ. მაკედონიასთან გამარჯვების (3:0) შემდეგ, ხვიჩა კვარაცხელიამ პრესასთან ისაუბრა. „კვარამ“ რევანშის მნიშვნელობა აღნიშნა და ქომაგებსაც მიმართა.

„გილოცავთ გულშემატკივარს, რომელმაც მხარი დაგვიჭირა. რა თქმა უნდა იყო ის რევანშული ნაპერწკალი იმიტომ, რომ რაღაც გვაქვს ამ გუნდთან დაკარგული და ჩემი აზრით რევანში საჭირო იყო. გავიმარჯვეთ და მივდივართ წინ, რაც დავკარგეთ ის უნდა დავიბრუნოთ.

როცა საქართველოში ვთამაშობთ მოტივაცია საჭირო არ არის იმიტომ, რომ მას გულშემატკივარი გვიქმნის და ატმოსფერო არის საოცარი. 12-შიც იგივე მოხდება და 4-დან 4 გამარჯვება გვექნება.

ძალიან მაგარი ადამიანები არიან ისინი ვინც აქ ჩვენს საქომაგოდ ჩამოვიდნენ და არა მხოლოდ ისინი, ის ხალხი ვინც სახლიდან გვქომაგობდა. როცა ამხელა გზაზე ჩამოდიხარ - ჩვენთვისაც ძალიან დიდი მოტივაციაა და ჩვენც მათ ვუფასებთ ყველაფერს, გავიმარჯვეთ. 12-ში კიდევ ერთხელ გასახარებლად შევხვდებით“.

შეგახსენებთ, რომ ბულგარეთთან ჯგუფის მე-4 მატჩი 12 ივნისს, „დინამო არენაზე“ 20:00 საათზე გაიმართება.