სალაჰი პრემიერ ლიგის საუკეთესო ფეხბურთელია - ფოდენი - საუკეთსო ახალგაზრდა
ინგლისის პროფესიონალ ფეხბურთელთა ასოციაციამ პრემიერ ლიგის გასული სეზონის საუკეთესო ფეხბურთელი, საუკეთესო ახალგაზრდა ფეხბურთელი და სიმბოლური ნაკრები დაასახელა. PFA-ის რჩეული მოჰამედ სალაჰი გახდა, რომელმაც ეს ჯილდო კარიერაში მეორედ მიიღო. პირველად, ეგვიპტელი 2017-18 წლების სეზონში გამოარჩიეს. სალაჰს ბრწყინვალე სეზონი ჰქონდა და 35 შეხვედრაში 23 გოლი შეაგდო.
The @PFA Player of the Year…
— Liverpool FC (@LFC) June 9, 2022
Congratulations, @MoSalah ???????????? pic.twitter.com/9qkEpozip1
სეზონის საუკეთესო ახალგაზრდა მოთამაშის სტატუსი „მანჩესტერ სიტის“ შემტევმა, ფილ ფოდენმა დაისაკუთრა. ამ უკანასკნელმა ეს ჯილდო ზედიზედ მეორედ მოიგო და პრემიერ ლიგის გასულ სეზონში ჩატარებულ 28 შეხვედრაში თავი 9-ჯერ გამოიჩინა.
სიმბოლურ ნაკრებს რაც შეეხება, საუკეთესო თერთმეტეული ასე გამოიყურება:
მეკარე: ალისონი
მცველები: ტრენტ ალექსანდერ-არნოლდი, ჟოაუ კანსელუ, ანტონიო რუდიგერი, ვირჯილ ვან დეიკი;
ნახევარმცველები: ტიაგო ალკანტარა, კევინ დე ბრუინი, ბერნარდუ სილვა;
თავდამსხმელები: სადიო მანე, მოჰამედ სალაჰი, კრიშტიანუ რონალდუ.
საინტერესოა, რომ სიმბოლურ ნაკრებში „ლივერპულის“ 6 ფეხბურთელი მოხვდა. მაშინ, როცა ჩემპიონ „სიტის“ მხოლოდ 3 მოთამაშე წარმოადგენს, „ჩელსისა“ და „მანჩესტერ იუნაიტედს“ კი თითო-თითო წარმომადგენელი ჰყავთ.
