ოფიციალურად: გიორგი მაკარიძემ ალმერია დატოვა
ლა ლიგა 2-ის გამარჯვებული ''ალმერია'' ქართველმა მეკარემ, გიორგი მაკარიძემ დატოვა. მას კლუბთან კონტრაქტი მიმდინარე თვეში ეწურება, მხარეებს შორის ახალი კონტრაქტი არ გაფორმდება.
???????? Nelson Monte, Giorgi Makaridze y Aitor Buñuel finalizan su contrato con la UD Almería. Les agradecemos su profesionalidad y les deseamos muchísima suerte. pic.twitter.com/Ah8ULmgaz9
— UD Almería (@U_D_Almeria) June 3, 2022
2020 წლის ზაფხულში მაკარიძე ''ალმერიას'' თავისუფალი აგენტის სტატუსით შეუერთდა. პირველ სეზონში სასტარტო შემადგენლობის უცვლელი წევრი იყო, ფერნანდო მარტინეს რუბიოსთან კონკურენცია მოიგო, ლა ლიგა 2-ის 33 მატჩში ითამაშა, თუმცა ფლეი-ოფში ''ალმერია'' წარუმატებლად გამოვიდა. რაც შეეხება მიმდინარე სეზონს, ''ალმერიას'' პირველ მეკარედ ფერნანდო მარტინეს რუბიო იქცა. მაშინ როცა მაკარიძემ ლა ლიგა 2-ის მხოლოდ 1 მატჩში მიიღო მონაწილეობა, ესპანელმა 41 შეხვედრა ჩაატარა.
მაკარიძეს ფრანგული ''ლე მანისა'' (2009-13) და ესპანური ''ალმერიას'' გარდა მხოლოდ პორტუგალიურ კლუბებში უთამაშია: ''ფეირენსე'' (2014-16), ''მორეირენსე'' (2016-18), ''რიუ ავე'' (2018-19) და ''სეტუბალი'' (2019-20).
