კავანი და არნაუტოვიჩი? - სალერნიტანას სამომავლო გეგმები

როგორც აღმოჩნდა, „სალერნიტანას“ პრეზიდენტის დანილო ლერვოლინოს ოცნება ედისონ კავანის შეძენა ყოფილა.

„სალერნიტანამ“ მიმდინარე სეზონში გმირობა ჩაიდინა და სერია ა-ში ადგილი შეინარჩუნა. კლუბმა სამი მწვრთნელი შეიცვალა და საუკეთესო დავიდე ნიკოლა აღმოჩნდა, რომელმაც გადამწყვეტი როლი ითამაშა და გუნდი კრიზისიდან გამოიყვანა.

„სალერნიტანას“ პრეზიდენტმა მომავალი სეზონის გეგმებზე ისაუბრა:

„მე გეტყვით ორი ფეხბურთელის სახელს, რომელთა ყიდვაც შეუძლებელი ჩანდა, მაგრამ ახლა სხვა ვითარებაა. ვსაუბრობ ედისონ კავანიზე და მარკო არნაუტოვიჩზე. ურუგვაელმა იტალიის სერია ა-ში ბრწყინვალე შთაბეჭდილება დატოვა და რატომაც არა? მისი დაბრუნება კარგი იქნებოდა. ჩვენ მის გადმობირებას შევეცდებით.“

შეგახსენებთ, რომ ედისონ კავანის „მანჩესტერ იუნაიტედში“ სიტუაცია დაეძაბა. ვეტერანმა თავდამსხმელმა ქომაგების კრიტიკა ვერ აიტანა და შუა თითი უჩვენა. ამ ფაქტს კიდევ უფრო მეტი კრიტიკა და ლანძღვა მოყვა.

ამ სიტუაციას კი ისიც ემატება, რომ მას ბევრი სათამაშო დრო არ ეძლევა. იმ ფაქტმა, რომ „წითელი ეშმაკების“ მთავარი თავდამსხმელი კრიშტიანუ რონალდუა, ედისონის პოზიციები მნიშვნელოვნად შეარყია. როგორც ჩანს, „სალერნიტანას“ ქომაგებს წინ საინტერესო ზაფხული ელოდებათ.

Iervolino: "Nicola resta alla Salernitana. Obiettivi? Cercherò di prendere Cavani..." https://t.co/W45aTvd9cD

— La Gazzetta dello Sport (@Gazzetta_it) May 24, 2022