თანაგუნდელებს აცნობა - ჩუამენი რეალში მიდის
მადრიდის „რეალი“ ზაფხულის სატრანსფერო ფანჯრის დროს ერთ-ერთი ყველაზე აქტიური გუნდი იქნება. ფლორენტინო პერესი თვლის, რომ მის კლუბს გაძლიერება ესაჭიროება და მოსაზრებას გულშემატკივრებიც ეთანხმებიან.
„სამეფო კლუბს“ სპორტულ მედიაში არაერთ ფეხბურთელს უკავშირებენ. ბოლო პერიოდში ყველაზე ხშირად აურელიენ ჩუამენიზე იწერება. გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარ გვერდზე ამ საკითხთან დაკავშირებით ახალ ინფორმაციას ავრცელებს.
რომანოს თქმით, ჩუამენიმ საკუთარ თანაგუნდელებს მადრიდის „რეალში“ წასვლის შესახებ უკვე ამცნო. მისი ოცნება „ბლანკოსში“ თამაშია. სატრანსფერო ღირებულება 50 მილიონზე მეტი იქნება და მოლაპარაკება მიმდინარეობს. „რეალის“ გეგმები მას შემდეგ შეიცვალა, რაც კილიან მბაპემ „პარი სენ ჟერმენში“ დარჩენა გადაწყვიტა.
Aurélien Tchouaméni has already communicated to his teammates the intention to join Real Madrid, as per @JulienMaynard. He dreams of Real. ⚪️⭐️ #RealMadrid
— Fabrizio Romano (@FabrizioRomano) May 24, 2022
Price will be way more than €50m, still to be negotiated - Real Madrid plans have changed after Mbappé’s refusal. pic.twitter.com/YrWyK3bwcG
ჩუამენი „მონაკოში“
22 წლის ნახევარმცველი „მონაკოს“ 2020 წელს „ბორდოდან“ შეუერთდა. ამ პერიოდის განმავლობაში ჩუამენიმ „მონაკოს“ მაისური ყველა ტურნირზე ერთად 95-ჯერ მოირგო, 8 გოლი გაიტანა და 7 საგოლე გადაცემა შეასრულა.
