ბაიერნი ორ ფორვარდს უმიზნებს - ლევანდოვსკის მანე შეცვლის?
Sky Sport De-ს ჟურნალისტის, ფლორიან პლეტენბერგის ინფორმაციით, მიუნხენის ''ბაიერნი'' რობერტ ლევანდოვსკის გაყიდვას დათანხმდება, თუ ''შტუტგარტიდან'' ავსტრიელ საშა კალაიჯიჩსა და ''ლივერპულიდან'' სადიო მანეს გადაიბირებს. თუ მანეს ტრანსფერი არ შედგება, გერმანული კლუბი სხვა ფორვარდზე გადაერთვება, თუმცა ლევანდოვსკის წასვლის შემთხვევაში ''ბაიერნი'' მინიმუმ ორი ფორვარდის დამატებას უმიზნებს. იდეალურ ვარიანტში, ეს მოთამაშეები საშა კალაიჯიჩი და სადიო მანე იქნებიან.
Update #Lewandowski: There is a verbal agreement with #FCBarcelona. He could sign a 3-years-contract until 2025. Also due to @FabrizioRomano. His financial demands are no problem for the club. Bayern will allow him to leave if they get Kalajdzic + X (Mané). @SkySportDE @Sky_Marc
— Florian Plettenberg (@Plettigoal) May 24, 2022
რობერტ ლევანდოვსკის კატალონიის ''ბარსელონასთან'' სამწლიან კონტრაქტზე სიტყვიერი შეთანხმება მიღწეული აქვს. ამ ინფორმაციას ფაბრიციო რომანოც ადასტურებს, თუმცა ფლორიან პლეტენბერგის მიერ გავრცელებული ინფორმაციიდან გამომდინარე, პოლონელის გაყიდვამდე მიუნხენურ გრანდს წინაპირობები სჭირდება, რაც ზემოთხსენებულ ორ ფორვარდს უკავშირდება.
სადიო მანეს ''ლივერპულთან'' კონტრაქტი 2023 წლამდე აკავშირებს. მიმდინარე სეზონში ყველა ტურნირის ჩათვლით ჩატარებულ 50 მატჩში 23 გოლი შეაგდო, 5 საგოლე პასი შეასრულა.
რაც შეეხება 24 წლის ავსტრიელ ფორვარდს, საშა კალაიჯიჩს, მან ბუნდესლიგის გასული სეზონის 15 მატჩში 6 გოლითა და 2 საგოლე პასით გამოიჩინა თავი. მას ''შტუტგარტთან'' კონტრაქტი 2023 წლამდე აკავშირებს.
