დონჩიჩის 42 ქულა არ ეყოთ - გოლდენ სტეიტი 19 ქულით აგებდა, მაგრამ მაინც მოიგო!
გამთენიისას NBA-ში დასავლეთ კონფერენციის ფინალების მეორე შეხვედრა გაიმართა. „გოლდენ სტეიტმა“ „დალასს“ უმასპინძლა და საოცარ შეხვედრაში 126:117 მოიგო.
„დალასი“ შეხვედრას 19-ქულიანი უპირატესობით იგებდა. პირველი და მეორე მეოთხედი ჯეისონ კიდის გუნდმა 32:25 და 40:33 მოიგო, თუმცა დიდი შესვენების შემდეგ „გოლდენმა“ მორიგი დიდებული პერფორმანსი შემოგვთავაზა. სტივ კერის ბიჭებმა დასკვნითი ორი მეოთხედი 25:13 და 43:32 მოიგეს.
შეხვედრაში ყველაზე მეტი 42 ქულა, 8 გადაცემა, 5 მოხსნა ლუკა დონჩიჩმა გაიფორმა. 31 ქულა ჰქონდა ჯეილენ ბრანსონს. თუმცა ეს „დალასს“ მოსაგებად არ ეყო.
LUKA DONCIC FROM DEEP TO END THE FIRST HALF.
— NBA (@NBA) May 21, 2022
HE'S GOT 24 ON TNT. pic.twitter.com/hFEI9cAobl
„გოლდენ სტეიტმა“ გუნდური კალათბურთი ითამაშა და 6-მა მოთამაშემ 10+ ქულის ჩაგდება შეძლო. სტეფ კარიმ 32 ქულა, 8 მოხსნა და 5 გადაცემა მიითვალა. კლეი ტომპსონი 15 ქულას დასჯერდა. ჯორდან პულს 23 ქულა ჰქონდა, კევონ ლუნის 21 ქულა და 12 მოხსნა, ენდრიუ უიგინსს 16, ხოლო ოტო პორტერს 11 ქულა და 7 მოხსნა. მოკრძალებული იყო დრეიმონდ გრინის სტატისტიკა - 6 ქულა, 6 მოხსნა, 5 პასი.
???? 32 points for Steph Curry
— NBA (@NBA) May 21, 2022
???? 10 in the 4th Q on 4-4 shooting
???? 8 boards, 5 dimes, 6 threes@StephenCurry30 powers the @warriors 19-point comeback in Game 2! pic.twitter.com/ijA2pyRucc
„უორიორსი“ ისტორიაში გახდა მე-5 გუნდი, რომელმაც პლეი ოფის სტადიაზე მე-200 გამარჯვება მოიპოვა. ამ დრომდე ეს შედეგი „ლეიკერსს“, ბოსტონს“, „სან ანტონიოსა“ და „ფილადელფიას“ ეკუთვნოდათ.
სტივ კერის გუნდს პლეი ოფის სტადიაზე უკვე მე-12 ისეთი მოგება აქვს, რომელშიც შეხვედრას 15 ქულით აგებდა და მისი შემობრუნება შეძლო.
"The best shooter this game has seen."
— NBA (@NBA) May 21, 2022
Steph Curry seals the @warriors 19-point comeback to take a 2-0 lead in the West Finals! pic.twitter.com/WOPVydI0Ql
ამრიგად, სერიაში ანგარიში 2:0 და მოვლენები უკვე დალასში განვითარდება. დონჩიჩი და კომპანია საკუთარ კედლებში პირველ შეხვედრას 23 მაისს გამართავს.
