მოედანზე შეჭრილ გულშემატკივარს ვიეირამ წიხლი ჩაარტყა
პრემიერ ლიგის 37-ე ტურში „ევერტონმა“ „კრისტალ პალასს“ უმასპინძლა და დაძაბულ შეხვედრაში 0:2-ის შემდეგ, 3:2-ის მოგება შეძლო, რის შემდეგაც ფრენკ ლამპარდის შეგირდებმა პრემიერ ლიგაში ადგილის შენარჩუნება შეძლეს.
დომინიკ კალვერტ-ლიუნის გადამწყვეტი გოლის შემდეგ, „გუდისონ პარკზე“ ქომაგები შეიჭრნენ და ნაადრევი ზეიმი დაიწყეს, თუმცა მალევე მინდორი დატოვეს და შეხვედრას დასრულების საშუალება მისცეს.
იმ მომენტში, როცა ქომაგები მინდორზე იმყოფებოდნენ, რამდენიმე მათგანმა „კრისტალ პალასის“ მთავარ მწვრთნელს პატრიკ ვიეირას სიტყვიერი შეურაცხყოფა მიაყენა. ვიეირამ ვეღარ მოითმინა და ერთ-ერთ მათგანს წიხლი უთავაზა. ამის ამსახველი კადრები ინტერნეტსივრცეში მალევე გავრცელდა.
Patrick Vieira has been filmed in an altercation with an Everton fan on the pitch at Goodison Park during tonight’s pitch invasion. pic.twitter.com/MOliWvsSHJ
— Sky Sports News (@SkySportsNews) May 19, 2022
მალევე თავად ქომაგებმა სიტუაცია დააწყნარეს და გამშველებლის როლი იტვირთეს.
ჯერჯერობით უცნობია ელის თუ არა სანქციები ვიეირას. ამ ინციდენტზე საბჭო უახლოეს დღეებში იმსჯელებს.
Patrick Vieira and THAT Everton fan, from the fan's POV...
— Footy Accumulators (@FootyAccums) May 19, 2022
Chat sh*t get banged ???? https://t.co/cyRnHq4eLD
ბოლოს გეტყვით, რომ ამ გამარჯვების შედეგად „ევერტონმა“ 39 ქულა დააგროვა და გასავარდნ ზონაში მყოფ „ბარნლისა“ და „ლიდსს“ 4 ქულით უსწრებს. „კანფეტებს“ ბოლო ტურის წინ გავარდნა აღარ ემუქრებათ.
