ბექა მიქელთაძე ბარსელონას წინააღმდეგ ითამაშებს
ავსტრალიური „ნიუკასლ ჯეტსის“ ქართველი თავდამსხმელი, ბექა მიქელთაძე კლუბში წლის საუკეთესო ფეხბურთელად დასახელდა. 24 წლის ფეხბურთელი რეგულარული გათამაშების ბომბარდირი გახდა, სადაც 24 მატჩში 13 გოლი გაიტანა და 3 საგოლე გადაცემა შეასრულა. ამასთან, მიქელთაძეს ოქროს ბუცი გადაეცა და კრეიგ ჯონსტონის ჯილდოს მფლობელიც გახდა.
The Nigel Boogaard Player of the Year for 2021/22, is Beka Mikeltadze ????#BondedByGold pic.twitter.com/E1GMHjufsr
— NEWCASTLE JETS FC ✈️ (@NewcastleJetsFC) May 18, 2022
ქართველი ფეხბურთელი ავსტრალიის ჩემპიონატის რეგულარული სეზონის საუკეთესო თერთმეტეულშიც მოხვდა, რაც იმას ნიშნავს, რომ 25 მაისს, ის კატალონიის „ბარსელონას“ წინააღმდეგ დაგეგმილ ამხანაგურ შეხვედრაში მიიღებს მონაწილეობას.
ავსტრალიის ფეხბურთის ასოციაციისა და „ბლაუგრანას“ გადაწყვეტილებით, A ლიგის 2021/22 წლების სეზონის საუკეთესო ფეხბურთელებისგან დაკომპლექტებული გუნდი „ბარსელონას“ სიდნეიში, Accor Stadium-ზე შეხვდება.
View this post on Instagram
შეგახსენებთ, რომ 24 წლის ქართველი ფორვარდი ავსტრალიის ჩემპიონატში გასული წლის ზაფხულში გადავიდა, მანამდე კი ვოლგოგრადის „როტორში“, ბერძნულ „ხანთში“, ყაზანის „რუბინში“, ფამაგუსტას „ანორთოსისში“, „რუსთავში“, თბილისის „დინამოში“ და „ზესტაფონში“ თამაშობდა.
